【恒富移民特約】去加拿大升學要預幾多錢?

Meimei | 11/07/2021

之前介紹過喺加拿大可以透過PEQ計劃讀書、工作、攞身份,又同大家講過邊啲學院開辦嘅職業技術課程符合移民要求,今篇就會同大家講下喺加拿大升學大概要洗幾多錢,亦會講下喺加拿大嘅生活費、交通費、住宿費等等,等大家去加拿大前可以簡單做個Budget Planning。

 

「去加拿大讀書學費會唔會好貴㗎?」「喺加拿大生活一個月要洗幾多錢?」「聽講交通費仲貴香港?」相信好多同學考慮去外國升學前,都會有好多關於當地生活費嘅問題,今篇就為大家整合喺加拿大升學嘅各項預算。

 

大學學費


根據入讀嘅大學/學院類型、大學所在省地區、學系等,學費都會有唔同。

 

課程 平均每年 (加元)
英語課程 $13,000 – $18,000
大學基礎班/大學銜接課程 $10,000 – $24,000
大學學士課程 $12,000 – $26,000
大學碩士課程 $15,000 – $60,000

住宿費用

住宿種類 平均每年 (加元)
學生宿舍 (不包食) $8,000 – $18,000
寄宿家庭 (包房、包食) $7,000 – $10,000
租住房屋 (不包食) $7,000 – $12,000

 

生活雜費


根據加拿大統計局數據,成年人平均每月花喺「食」上面嘅洗費大約係$355加元。加拿大人比較少出街食飯,三分一人平均每星期出街食少過1次,大約一半人每星期最少出街食1次飯。

餐廳種類 平均每人每餐消費 (加元)
普通餐廳 $17

(另加25-30%消費稅及15-20% Tips)

高級餐廳 $47

(另加25-30%消費稅及15-20% Tips)

快餐店
(如Subway, McDonald)
$10


對比之下,喺超級市場買食材自己喺屋企煮飯就平啲。而且大多數加拿大人都會去平價超市入貨,例如No Frills、Food Basics和FreshCo,每月食材開支大概$200加元,加上超市好多時都會有優惠劵、積分計劃、信用卡現金回贈等,仲可以慳返唔少!


Advertisements

交通方面,不論係溫哥華、多倫多定蒙特利爾,公共交通系統基本上都十分完善,就算同學去到當地唔識揸車,喺市區都可以搭地鐵、巴士、輕鐵、電車、Uber等交通工具。以交通月票為例,溫哥華月票$98-$177加元、多倫多月票$143-$156加元、蒙特利爾月票$53-$88加元,如果以學生身分購買交通票仲會有discount。除咗搭公共交通工具,喺加拿大都可以揸車代步,但連埋汽車登記費、保險、汽油費等雜費,平均每月開支都要$400-$500加元,對學生嚟講都唔平㗎。

 

至於其他娛樂、購買衣物及生活雜費,每月平均開支$150-200加元,另外喺加拿大購買商品或者服務都要額外俾銷售稅。以下俾幾樣生活雜費大家參考下:

 

生活雜費 費用 (加元)
私人健康保險 $50-$100
電話上網卡 (每1GB Data) $10-$15
電影門票 $10-$15
健身室月費 $10-$50
景點一日遊費用 $150-$200


概括各類生活開支,以下就係喺加拿大平均每月要花嘅生活費嘅:

主要開支分類 平均每月 (加元)
伙食 出街食:$250 – $350

自己煮:$150 – $250

交通 公共交通:$100 – $150

自己揸車:$400 – $500

娛樂、購買衣物及生活雜費 $150 – $200

留意返,以上數字都係俾大家參考,每個人生活習慣唔同,生活費都唔同。而喺加拿大,超過三分一居民都係住喺多倫多、溫哥華呢兩個大都會區,所以如果同學選擇升學嘅大學都喺呢兩個城市,生活費開支就會比住喺偏遠地區嘅魁北克省貴兩倍或以上。

 

總括嚟講,以一個去蒙特利爾升學、日常消費唔算高嘅普通大學生為例,大學學費、住宿、生活雜費加加埋埋一年開支大概$37,000加元,即大約$22萬港元。

 

聯絡資料

IFP Holdings Limited

Tel.:3586 8777

Website:https://www.ifpholdings.com

Facebook:https://www.facebook.com/ifpholdings/

YouTube:https://youtube.com/c/IFPHoldingsLimited

 

 


延伸閱讀

【恒富移民特約】邊個話加拿大一定悶?32公里長「地下城」一次過滿足你N個願望!

【恒富移民特約】蒙特利爾有咩娛樂?32公里長蒙特利爾地下城你又聽過未?

【恒富移民特約】加拿大簽證、生活、輔導一條龍搞掂

【恒富移民特約】點先考到加拿大政府認可嘅職業技術畢業文憑?

【恒富移民特約】加拿大考法文有幾易?

 

免責聲明:本公司uFinance Hong Kong Limited只負責提供學生貸款申請服務。本網頁所提供的資料只作參考用途。 對於本網頁所載任何關於IFP Holdings Limited 恒富移民 計劃資料的準確性及完整性,本公司一概拒絕承認任何隱含的及/或明示的保証,並且不會就此作出任何陳述。對於因使用IFP Holdings Limited 恒富移民的計劃或依賴本網頁的資料或任何網頁上載錄或與網頁連線的任何東西,包括但不限於任何錯誤、誤差、遺漏、或侵權性質、誹謗性質或虛假性質的信息或任何其他可導致冒犯或在其他方面引致發生任何追索或投訴的資料或遺漏,而導致之任何損失或損害,本公司概不承擔任何有關責任。

 

閣下瀏覽及使用本網頁,即代表閣下經已確認及接納閣下須就本網頁的使用,自承風險。 對於任何因使用、瀏覽或無法使用本網頁而產生的直接、間接、附帶、相應而生、特別、懲戒性或懲罰性的損害或有關損失利潤或損失收益的損害賠償,本公司概不承擔任何責任。


Advertisements
 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more