【大學新丁們—要睇下】香港各間大學特色你又知唔知?(上)

Queenie | 26/08/2021

港大倒數5日就開學啦!你地準備好返學未啊?香港咁多間大學,你又清唔清楚你即將入讀嘅大學有d咩特色?唔知唔緊要,小編就將香港嘅所有大學特色分成上下兩集話比你知!上集就先介紹中大、浸大、港大、理大、恆大、嶺大先!

 

1.香港中文大學

中大係香港歷史最久遠以及香港佔地面積最大嘅大學。書院制係中大特色,就好似中學分社咁,而中大書院制係本港大學中獨一無二。現有書院有崇基學院、新亞書院、聯合書院、逸夫書院、晨興書院、善衡書院、敬文書院、伍宜孫書院及和聲書院。唔知準備讀中大嘅同學仔你地入唔入到心儀嘅學院呢?由於中大係依山而建,而且面積大,學校有提供校巴穿梭校園不同地點,但係第一次搭校巴嘅你就要留意,校巴有兩種:旅遊巴係免費乘搭、小巴係要收費唔好搭錯啊!校巴會每個站都停,所以係絕對唔洗嗌「司機有落!」另外,每個書院都有宿舍提供,宿分較高就約有機會住到宿舍,每個書院嘅宿分計法都唔同,同學仔最好去書院嘅網站睇番計法。

 

2.香港浸會大學

香港浸會大學是全港唯一一間有基督新教浸信會背景的大學,大學本部位於九龍塘,佢地最出名就係傳理系。浸大係需要必修體育,而且上體育堂嘅時候係一定要著BU嘅PE衫,所以各位fm未買件PE衫就快d買定啦!另外,浸大注重全人教育,但同學仔就好似唔太鍾意啦~因為全人教育要強制學生讀一啲課程,例如Public Speaking,而且workload都唔少,搞到d同學仔都嗌曬救命!宿舍方面,浸大是有「四年一宿」嘅制度,所有嘅學生都最少可以住到一次hall(=一個sem),但係浸大嘅宿位出名少,所以想住得耐啲就要識宿分!

 

3.香港大學

港大是位於薄扶林道的國際級大學,校園內古典英式建築絕對係港大嘅特色,甚至有好多都係法定古蹟,好多人都會專程去打卡。法律、生物工程及醫學都係港大出名嘅學科。大家聽得最多嘅港大宿舍文化一定係「仙制」,「仙」其實係將緊senior,即係住hall較耐嘅宿生。好多fm都會驚「仙制」,如果真係嘅話可能揀冇咁重「仙制」嘅宿舍,你嘅壓力都冇咁大。

Advertisements

4.香港理工大學

理大位於紅磡,每次係紅磡都會見到一座磚紅色嘅建築物,就係佢啦!佢哋出名嘅學科有護理學、工商管理學等。另外,可能係因為理工設有一些關於fashion嘅學科,所以好似好多好識打扮嘅靚仔靚女係理大。理大分新舊宿舍;舊hall有8個、新hall有6個。需然有新hall,但新hall好似冇hall莊,所以活動都比較少,所以大部分同學都會選擇舊hall。

 

5.香港恆生大學

2018年由恒生管理學院正式成為香港恆生大學,成為香港第二間私立大學。恆大嘅校園亦都比大家想像中大,而且校舍新落成,器材設施都比較新淨。另外,恆大其中一個特色就係小班教學,唔似其他大學,百幾人坐係lecture hall上堂,上完成個sem,professor都唔知你叫咩名。小班教學令學生同老師嘅距離拉近咗,老師好快就認識每一位學生,而學生問問題都容易啲。宿舍方面,恒大學校宿舍4個Hall,Hall1-4。

 

6.嶺南大學

嶺南大學位於屯門,所以經常被人叫做鄉村學校,以為同學仔要騎牛返學咁,但其實好多巴士都經LingU嘅。但可能正正因為LingU位置比較偏僻,比到人一種與世無爭嘅感覺。LingU比較出色嘅學科包括人文學、社會科學等。宿舍方面,LingU總共有10間宿舍,各有各文化。聽聞係LingU想住宿舍係好容易,因為宿位多,申請人數比較少,冇咁大競爭。

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more