【啤一啤】十款本地手工啤 香港人梗係支持香港品牌 (下)

Winna | 29/12/2021

嚟緊仲有唔同假期,係時候又要同朋友聚一聚。上次就介紹咗五款本地手工啤比大家,今日就等我地介紹埋其他品牌啦。

吹啤啤

Hong Kong Whistle 吹啤啤,呢個本地手工啤酒品牌喺2016年創立。位於荃灣工廈嘅廠房,每個月可以釀製7000枝手工啤,而吹啤啤多款產品都係以充滿本土特色同埋趣味性。例如早前推出過嘅單眼佬話梅蜂蜜酒,釀酒師加入咗話梅,令到啤酒結合甜、酸、鹹味,入口鹹濕。而包裝仲搵到配合鹹濕形象,係《整蠱專家》入面賣「淫賤不能移」迷藥嘅「單眼佬」曹查理。鐘意新鮮口味嘅你,不妨試一試呢個品牌嘅手工啤啦。

麥子啤酒

由三位男士喺2015年創辦嘅本地手工啤酒品牌「麥子啤酒」,以100%全人手釀造純麥手工啤酒,呢個品牌並唔係用本土情懷作為賣點,反而係有好多特色口味等緊你去發掘。而近期仲推出「豬朱古啤酒 Chocolate Brown Ale」,釀酒師特別加入咗椰子,令到啤酒有更多層次。

門神啤酒

門神啤酒係喺2014年創立,LaszloMichele受到中國民間習俗吸引,相傳門神有招運同埋辟邪嘅作用,而每一對都會有獨特造型同傳說。當時佢地覺得香港缺乏有香港特色嘅本土啤酒,所以就決定創辦呢個品牌。門神手工啤酒以水、麥、酒花、酵母全天然原料,經過四星期發酵而成。之前推出過嘅「龍王福建柚子啤」都好受歡迎,陣陣柑果味同花香,令人感覺清新。

少爺啤酒

Young Master少爺啤酒成立喺2013年,由印度籍嘅香港人Rohit Dugar創辦。呢個品牌嘅手工啤會推出好多新奇而且創新嘅味道。曾經推出過嘅「黑無常」帶有朱古力、可可、咖啡同辣椒味道,幾種味道集合於一身,呢枝手工啤喺亞洲拎到好多獎㗎。

大圍啤

大圍啤係由兩位創辦人HenryWendy共同經營,主打以西式茶葉釀製手工啤酒,因為其中一位創辦人係自細就喺大圍到成長,所以對呢個地方好有情意結,大圍啤呢個名就係咁嚟㗎啦。而佢地曾經推出嘅系列「壹」、「貳」、「叄」、「肆」、「伍」,令到大家都開始接受同鐘意茶味手工啤。

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more