搵工Guide

轉個頭就到8月中，好多Summer Internship 都接近尾聲。雖然只係返咗2－3個月Intern，但離職前都會想「好頭好尾」留個好印象，為咗第日Reference Check／Return Offer鋪路都好。不過Intern人工得咁少，如果買正常散水餅閒閒地一件都要40蚊，變相好似貼錢返工咁。到底有什麼「低 Budget、好意頭、又有創意」嘅替代方案能令大家皆大歡喜？等小編同你介紹3個超越傳統散水餅嘅創意方案，包你夠得體又可以留好印象！

–

Option 1：請全 Team 食「特色下午茶」

老老實實，職場人士對於高級西餅又唔係話特別有興趣，因為返工忙打緊仗都未必有時間慢慢嘆。如果想滿足大家口癮，大家又可以自己揀食啲咩，不如買下啲「地道小食」比大家開心share，等大家開開心心chill住食仲好啦！

熱門選擇：

（1）燒賣 / 魚蛋組合： 去公司附近嘅小食店，買兩大盒燒賣魚蛋，準備好豉油同辣油，直接係Whatsapp Group叫大家一齊3點3食過Tea就夠晒有feel！

（2）雞蛋仔 / 格仔餅： 如果附近有雞蛋仔舖，或者Keeta叫到，不妨叫返唔同口味比大家share，滿足口癮！

（3）煎釀三寶： 買一大盤大家分嚟食，滿足下想食邪惡嘢嘅心癮。

–

Option 2：「發達好彩頭」六合彩 + 手寫心意卡

如果你想行幽默玩味路線，送「發達機會」絕對係辦公室不敗的選擇！想個夢想俾人，加張心意卡就very good啦！

玩法：

（1）去投注站買六合彩電腦飛（每注 $10）。

（2）用信封裝好，外面貼上小貼紙或寫上字句

（3）如果想更完善，可以搭多包獨立包裝的掛耳咖啡或養生茶包。

–

Option 3：Pantry「零食/飲品補給大禮包」

如果公司規模較大、或者你只是想向整個部門表示謝意，唔需要逐個當面派，直接「補給 Pantry」都係最體面嘅方法！

做法：

（1）去超市或零食店買一大包獨立包裝嘅零食

（2）買一個好看嘅小籃子或大盒子裝好，放在 Pantry 或部門公共區域。

（3）重點：在旁邊寫一張你自己繪製嘅心意卡，然後發一個 Farewell Message提醒大家去拿。

–

💡 Intern 離職心意加分小 Tip

1. 手寫卡片比禮物更重要： 對於教過你嘅Mentor或直屬上司，比起送禮物，一張手寫的 Thank You Card 寫下具體嘅感謝，絕對會令佢哋超級感動，同留下深刻印象！

2. 唔駛勉強大開支： 同事都明白 Intern 都仲係學生，有心意有禮貌就夠，唔駛太在意禮物嘅價值！