【空姐小編講你知】空中服務員之你看不到的工作範圍

佛系空姐CC | 03/07/2020
【空姐小編講你知】空中服務員之你看不到的工作範圍

上次就同大家解構完依個搭飛機最多人問既問題,今次就等我同大家講下平時我地工作範圍鮮為人知既一面啦~

上機前既準備

平時番工個陣大家係咪都以為我地直接就係機場入境呢,其實我地係需要番公司report左先嫁,report前仲需要做一個safety quiz去check番我地既航空知識,跟住就會由我地既inflight manager同我地briefing,因為上機之前有好多野需要知,例如係架機既內部有冇咩特別要注意?客人有冇特別既需求?有冇medical case?去到當地入境有咩唔帶得等等,我地全部都要做足功課先可以上機番工嫁!

上機後既準備

上到機之後都唔係放低個篋就可以即刻開工,因為第一時間我地係需要check機上面既safety equipment先既,用黎救命既野真係唔講得笑嫁,一定要確保齊哂同埋無爛先得!另外仲要準備定一陣meal service用既野。除此之外,你地上機前我地都要確保機上無任何可疑既物品係架機上面,做哂所有check先會放心比你地上機嫁!依段時間個機艙入面真係個個都好似打緊杖咁,好忙呀~

乘客上機

當你行到上機見到我地welcome你既時候,其實我地已經做到出哂汗,不過為保專業既形象,都要保持微笑去服務大家,多數依個時候大家就會不停問空姐拎blanket,等我溫馨小提示下大家,其實每班機既blanket數量都有限,所以如果唔想拎唔到然後要凍足全程機既話,會建議大家帶定件外套上機,咁就唔怕凍啦~

機組人員休息既時間

大家係咪好好奇我地飛長途機既時候到底有冇得休息呢,傻豬黎既,十幾個鐘機喎緊係有啦!平時係派完餐比你地,等你地食飽飽訓教教豬個陣我地就會分兩group on duty嫁啦,一group就會訓教先,另一group就會留番係度繼續服務大家,每次大約都有4-5個鐘既時間訓嫁!咁係邊度休息呀?其實係機上面有一個叫crew rest compartment既地方係有床比我地訓嫁,小編我仲成日都訓到唔想起身添呀~不過個個地方都聽講有d靈異故事,想知既話記住繼續留意我既post啦!

延伸閱讀:

【使命必達】FedEx – Marketing Solution Development Intern (2 Months)

【設計同學要注意啦】Topologie – Multimedia Design Intern

【網絡安全】5款VPN簡評

【我要將你掙扎】健身健心黃色經濟圈 Fitness club推介

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more