搵工Guide

個個都面試，唔通個個都想面試咩。面試下下都要影帝/影后上身，有時又要對幾個寸寸貢嘅面試官，扮到一臉嚴肅咁硬食幾條奇怪問題。見咁多場工大家都攰啦，不如食件誠實豆沙包，大家坦誠相對一下？另有正經嘅影帝上身正解版，幫你完美回答問題，offer拎到手軟！

注意：誠實作答時，可配合以牙還牙嘅黑口黑面 + 無尾音嘅語調以達最好效果

「點解想做呢份工？」

1. 冇父幹，冇錢開飯，要搵錢交租比家用
2. 你post出嚟我咪見
3. 騎牛搵馬
4. 唔想再呃屋企我揾到工但其實日日係圖書館摺
5. 公司近屋企，15分鐘行到，可以慳到盡

「點解我要請你？」

1. 你等人用
2. 唔請我，想請啲有經驗﹑3大出身嘅人？你有budget咩

「你有咩優點？」

1. 問咗咁耐，應該知我「老吹」能力一流，亦將粵語最精華嗰五隻字運用得出神入化，直線反映我語言偽術5**
2. 我仲識太極，啲嘢關唔關我事都好，輕輕一推，交番嗰波畀另一位同事，完

「你有咩缺點？」

1. 最大缺點之唔係冇李x誠做我老竇，唯有出嚟撈
2. 好食懶做﹑瘋狂卸膊……你想我講咩？明知我實包裝，成日迫人虛偽嘅

（當求職者話自己太完美）HR︰明嘅，當年我都會答「自己太完美主義」，但而家我作為HR真係頂唔順呢個答案，你見唔見到我白眼反到上天花板，stop la好嗎？

「你有冇咩問題想問？」

1. 人工畀到幾多？
2. 老闆會唔會當我呀4咁洗？
3. 幾耐到可以升職加人工？
4. 老細同事惡唔惡頂？

HR：

1. 想討價還價？咁梗係minimum pay啦
2. 唔當你呀4咁洗，請你返嚟供奉你？
3. 等啲「老屎忽」升咗未到你囉，不過睇怕都n年後……人工每年加$100點睇？
4. 惡頂就肯定嘅，咁都要問