【空姐小編解答】搭飛機最多人問既問題(二)

佛系空姐CC | 29/06/2020
搭飛機最多人問既問題(二)

大家對航空界咁有興趣,問既問題又點止一篇咁小呢,話咁快又黎到第二篇啦,等CC又再同大家解構下啦!

遇過最特別既乘客?

香港人特別麻煩?日本人特別有禮貌?其實小編就覺得每個地方既乘客都有好有壞既,雖然香港人出哂名好麻煩,但小編反而覺得去到外地對住佢地可以講廣東話其實都幾親切呀~ 令小編覺得最特別既都莫過於係印度人,因為佢地講野既時候係會搖住頭咁講既,無論係say yes or no,佢地都會搖頭,所以小編之前同佢地溝度都表示好亂呀~到底係要定唔要呢?好定唔好呢?佢地仲有一樣特色,就係好鍾意飲whisky,每次飛親印度機既whisky都會比佢地清哂嫁。

點先可以Upgrade?

大家夢寐以求既business class,到底點先可以唔洗錢就坐到呀?係咪同佢講我生日或者拍拖週年佢就會upgrade 我嫁啦?大家似乎諗依樣野諗得太過簡單啦,到底點先可以upgrade?等CC幫大家解答下啦。

其實,係一般既情況下,多數要係business class仲有位剩既情況下,再按照公司既membership制度挑選既,當然如果你係個間公司既frequent flyer,被upgrade既機會就會大大提升 ,但如果你只係普通生日同另一半既週年紀念,航空公司最多都係寫張卡祝賀下你嫁咋,所以勸大家無謂太多幻想了,都係比心機儲aisa miles換或者買張full fare啦~

Advertisements

搵空中服務員買機票係咪有折嫁?

史上最多親朋戚友問既問題,的確作為空中服務員係可以享用員工優惠買機票,姐係市面上統稱既一折機票,不過依個優惠只限於員工本人同埋佢既直屬家人,另外仲有指定限額(其中一間公司只得一個位)既優惠可以比親屬以外既人,非正式統計依個位多數都係比左空姐空少既另一半,所以如果大家真係對依個一折機票咁有興趣,咁就不如投身航空界,或者係識番個做航空界既另一半,咁你地咪可以齊齊孖住咁去旅行囉~

黎緊CC仲有好多航空界既趣事同大家分享呀,鍾意依個系列既話記得多多支持下,Share埋比D朋友睇啦!

延伸閱讀:

【使命必達】FedEx – Marketing Solution Development Intern (2 Months)

【設計同學要注意啦】Topologie – Multimedia Design Intern

【網絡安全】5款VPN簡評

【我要將你掙扎】健身健心黃色經濟圈 Fitness club推介

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費
Load more