【散水餅推介】只要包裝比啲創意,蛋撻做散水餅都唔失禮!

Queenie | 07/10/2021

最後一日返工,一定會買散水餅比同事食,但係買嚟買去唔係「美X」就係「聖X娜」🤢NONO!曬錢買呢啲不如買差唔多價錢,但係好食又有創意嘅散水餅比啲同事食,留個好印象,日後好相見~今次小編就介紹3間人氣散水餅店,等大家有個參考last day買咩散水餅比同事食!

 

1.Crazy Pie

Crazy pie係一間非常出名嘅甜品網店,最出名就係佢哋嘅麻薯撻,唔好以為佢哋嘅撻淨係得個靚字啊,味道都非常好,餅底充滿牛油香而且,有麻薯嘅內餡非常有口感,整體做到甜而不漏。最正係佢哋除咗常駐款之外,每個月都會推出新口味,啱曬最鍾意試新野嘅朋友仔!每個撻平均$30一件,有時買多件數都會有唔同嘅優惠,所以有興趣嘅朋友仔可以留意以下佢哋IG同埋預定方法!小編就最鍾意常駐款入面嘅「阿華田吉士麻糬撻」,口感真係非常好,需然佢係阿華田吉士,但係唔會膩,甜度啱啱好!

 

地址:觀塘開源道60號駱駝漆大廈第三期8樓U室

 

2.華爾登餅店

華爾登餅店係西營盤一間老式餅店,最適合做散水餅就係佢哋嘅手工牛油曲奇餅。你可以請老闆娘係牛油曲奇餅上面寫你想寫嘅句子,甚至粗口都得😂如果真係有興趣想訂華爾登餅店嘅曲奇就要早起碼3日訂,因為佢哋都有好多訂單要做㗎!

 

地址:西環西營盤第二街120-126號仁福大廈地舖

 

3.蛋撻王 King Bakery

蛋撻王推出平靚正嘅散水撻,唔只蛋撻,仲有唔同嘅港式撻比你選擇,$128一盒任揀12件。佢哋嘅撻好食就不在話下,最吸睛嘅係佢哋嘅散水撻包裝!每件撻上面都插有會有個小紙托寫上心意字句,整個盒嘅包裝就係模仿傳統戲棚,非常打卡able!有興趣快哋買嚟做散水餅啦!買滿指定金額,仲可以免費送貨!詳情可以睇返佢哋facebook!

 

地址:觀塘鴻圖道1號地下8號舖

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more