【小心求職陷阱】簽約前有咩要注意?

cherri | 22/10/2019
【小心求職陷阱】簽約前有咩要注意?

過去呢段時間不停搵工嘅你,過五關斬六將,終於收到你心水offer。如果你係懷住激動興奮嘅心情去簽約,小編只可以講一句:「少年,你太年輕了。」無論係唔係你嘅dream company,都唔可以掉以輕心!一唔小心,就有可能簽咗奴隸合約,做咗社畜。今日就同大家講吓簽約嘅時候要注意啲咩,避免跌入求職陷阱。

1. 簽約之前

第一日報到之前,HR理應會聯絡你,話你知簽約需要啲咩文件,仲有簽約嘅時間地點等等。最好唔好喺正式簽約之前就將個人身分證明文件同銀行資料俾曬僱主,你可以帶正本上公司直接俾HR影印。如果僱主堅持要求你先俾個人資料佢,就最好加翻嘅COPY水印喺副本,保障翻自己。

2. 閱讀合約重要部分

簽約嘅時候,除咗HR會同你講解吓份合約之外,一般都會俾時間你睇一睇份合約。但係HR個人就坐係你前面,又唔敢睇太耐令HR唔耐煩,可以點做?你可以重點閱讀以下呢啲部分,掌握咗份工嘅重要資訊先:

  1. 1. 工作崗位、職責及薪金:工作範圍係咪同應徵職位一樣?薪金係咪同協定好嘅一樣?
  2. 2. 工作地點及時間:如果公司有唔同office,會喺邊度返工?飯鐘又包唔包?OT點計?
  3. 3. 試用期:試用期幾長?試用期內辭職同被解僱嘅程序係點?
  4. 4. 請假安排:一年/實習期內有幾多日假期?請假嘅程序係點?係有薪定無薪假期?
  5. 5. 離職安排:離職的話要早幾多通知人事部?薪金結算方面又會點計?
  6. 6. 強積金供款:僱主同僱員嘅供款安排分別係點?

以上列出嘅條款係最直接影響到你嘅行政安排,所以一定要確保條款同之前協議好嘅條件吻合呀。

3. 小心條款用字和內容

a. 蚊型隱藏條款

有啲無良公司會將啲隱藏條款整到蚊型咁細,博你睇唔到。更有可能會喺你睇完份合約之後,簽之前換另一份有出入嘅合約俾你簽,所以大家最好將合約睇多一次先。

b. Contract of Service / Contract for Service

呢個陷阱相信好多人都聽過,Contract of Service 係指僱主同僱員之間嘅協議,僱員受僱傭條例保障;而Contract for Service就係自僱人士或服務供應商同客戶之間嘅合約,受聘人士有可能唔受法律保障,分分鐘會享受唔到任何公司福利㗎!大家一定要睇清楚先好簽名呀!

最後最後,如果發現合約有問題記得要開聲問清楚,同埋記得簽約之後攞返合約副本留底。如果唔係到頭來輸蝕嘅只有自己!

Advertisements

延伸閱讀:

【搵工入門】Aptitude Test大解剖

噓⋯HR不會話你知的事

【同學仔留意】由外到內 內至外 教你全面成為interview達人

【亞馬遜要人!】Amazon Data Center Facility Operation Engineer Intern

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費
Load more