做Global Volunteer唔洗負責任？揭開GV三好處︱ uFinance 大專學生資訊貸款平台

做Global Volunteer唔洗負責任？揭開GV三好處

Elsie Tang | 04/04/2019

去得exchange無非想見識吓世界有幾大，但個世界咁大，又點會只得去exchange先可以見識到世界有幾大呢？今次想講一個比所有嘢更加刺激、更加奇葩、更加意想不到，完全係意料之外再之外嘅選擇—海外義工global volunteer!
做到GV，幫到人呢點都唔洗講啦，但就真係只係得呢個好處咩？

1．GV好輕鬆？

當年之所以會參加GV，其實不過是預測到自己暑假即將無所事事，著重學習的summer school去過了，要報intern又未夠料，看準GV貌似可以不用太負責任，就即刻去馬。去完係咪真係話完全呢個係一個完全唔洗負責任嘅玩意呢，當然唔係。對比起可能要trans cred嘅summer school，抑或要同老闆交待嘅oversea intern，GV要負嘅責的確會比較輕鬆：你做嘅preparation唔洗同任何人交待，甚至其實你有無show up、有無做到份內事都無人有權管，但呢個將會係一個對自己負責任嘅過程。如果你對得起自己，對得起山長水遠、長途跋涉嘅路程，對得起得緊你幫嘅人，咁你hea都無人吹得你漲嘅。

2．見聞一定比exchange多好多

需要得人去做義工嘅地方，都可想而知一定唔係咩好發達嘅國家。當初我去完以為自己情況已經好差，點知返到黎香港一同去其他國家嘅volunteer講返，就發覺原來真係差處未算差，一定仲會有人住得僻過你，想去廁所要出城十五分鐘，想沖涼要用個盤淋落自己度，想飲水要自己每個星期出城搬水返屋企。呢啲經歷係好難捱，甚至當下係會喊會發脾氣，但每個返黎嘅volunteer都一定可以笑住咁講返出黎。我哋會多謝自己捱過，多謝呢啲經歷成就咗一段段我哋好珍惜嘅友誼，多謝呢啲閱歷教識我哋嘅嘢。呢啲，一定只有係GV先會搵得到。

3．洗費低

好似我所講，去得嘅地方紙水一定低。係香港你死慳又抵、每個月尾捱麵包、因為要慳錢推哂朋友聚會，呢啲全部都唔會發生。係呢度，你可以體驗到誠哥般嘅享受。鐘意洗錢就洗錢，買酒就買酒，去旅行就去旅行。不過當然，另一方面係呢度都未必會有咁多娛樂俾你洗錢。之但係我覺得以你會得到嘅經歷黎衡量，我覺得你一定會覺得物超所值、抵到出汁。
Exchange，一定係最受歡迎嘅選擇；Summer school，平平地又唔離開香港好耐；但要數又平又好玩嘅，都應該真係得GV可以滿足到你。對於睇到呢度心郁想去GV嘅朋友，expect the unexpected，你一定會對你嘅旅程有所得著。