• Exchange Guide

文章由 uFinance 提供

作為一個學生，或者只係作為一個香港人，有時窮都理唔得咁多只係想出走下，係呢個時候，hostel就係你嘅好伙伴！但係有時自己一個人在外，人生路不熟，連住嘅地方都失守就真係咩都無架啦嘛，以下就教你住hostel點樣可以唔中伏！

1．留意地段

雖然咁講好似揀樓咁，但其實真係一啲都無誇張到，事關有啲hostel平就平在佢位處嘅地方。之前筆者去新加坡，千揀萬揀揀到一間環境靚價格平，甚至包埋洗衣服務，可謂筍盤，但仔細一查，呢間hostel正正位處紅燈區。當然，呢種情況就視乎你如何權衡輕重，但始終將所有嘢都納入考慮範圍一定最保險嘛！

2．要私隱定朋友先

眾所週知，住hostel對比起hotel無私隱架喇，話哂房要同人share，廚房要同人share，廁所都要同人share，不過，宜加的確有啲高級hostel私隱度都已經好高，廁所/廚房都好靚好有格調亦唔會濕濕笠笠咁唔衞生。但事情兩面睇，當hostel咁靚嘅時候就預咗隔離床唔會同你好熟，你亦好少機會可以搵到人同你促膝談心，呢個時候就要取捨喇。

3．小心陰濕comment section

Comment section呢啲嘢真係好陰濕，有啲人明明詳細comment box打哂間hostel有咩唔好，可能有床蝨啊無廁所水啊咩類型都有，但俾星/俾分又會俾到滿分，如果一個大意唔睇字真係會中伏。另外有啲人接受程度高，佢哋一方面會數哂間hostel有咩唔好，但同一時間頭頭尾尾又會話overall都係nice experience之類，又或者大部分人會hea打comment，導致真正有用嘅會隱沒係一堆評語入面。由此可見，有comment就真係要睇清楚，以免去到俾surprise自己就唔好啦。
所謂人在外地，hostel就好似屋企架啦嘛，學識以上三招就唔怕中伏啦。

• uFinance為您準備實用錦囊包：
  今日外幣滙率係幾多？：https://www.xe.com/
  外地發生緊急情況？：https://www.gov.hk/tc/residents/immigration/outsidehk/
  了解外地健康情報：https://www.travelhealth.gov.hk/

延伸閱讀：

留學生存之道－儲錢完sem去旅行六大招式
【荀工推介】國際學校監考員(時薪$120)

【學費貸款】急住交學費？ 大專生專享 即日過數學費貸款

大專生專享 – 5折清卡數