校園Guide

仰天長嘯.五種媲美freerider嘅劣groupmate

孔子話過,人不為己,遇到freerider就要hi佢xx。不過如果一個freerider free得徹徹底底,你都還可以明正言順hi佢。至大鑊就係有啲谷眉又唔freeride得哂,你望住佢交出黎個啲貨,你會懷疑佢嘅智商,你會唔敢相信自己眼睛。要鬧佢freeride?佢又唔係無做嘢;要吞咗佢?你又硬係講唔過去。以下呢五種人,我希望大家無預過。

 

  1. 1. Copy & paste狗

雖說天下文章一大抄,但照copy & paste點諗都有啲不妥吓嘛?呢類人都唔知係想freeride又唔想俾人e,定真係純粹弱智,佢哋交出黎嘅文句真係一睇就知上網cop返黎,你照上網search仲可以搵返原文。大佬,你都上網搵得資料,轉少少字眼俾少少心思paraphrase下唔嘥你好多時間吓嘛?

Advertisements
  1. 2. Hea做到極致

另一類人再退一步,連俾腦力諗key words上google search都唔想。佢哋就會係腦海是但諗到咩就打咩,又或者係notes見到字就打字,再或者上維基搬字過紙。佢哋寫出黎嘅嘢,好似黑暗嘅螢火蟲一樣咁鮮明,同上文下理完全唔夾。你好想瞇埋眼就咁交,但你咁樣同交埋自己個grade無分別。你權衡輕重,之後嘆咗口氣,一嘢del哂佢,「下次不如我做哂佢?」

  1. 3. 究極deadline fighter

Report話要星期日1159交,星期日你見到deadline fighter個part仲未有字,你個心荒荒地上group溫馨提示吓叫大家記住今日交嘢。妟就四點你見都係未有字,你開始急,於是係group明示暗示問大家有無嘢要幫忙。食飯八點,drive仲係空白一片,你嚇到搵咗同group其他人問佢哋點睇。夜晚十點半你開始面都青埋,呢個時候deadline fighter終於上線。啊姐我唔嚇得架呀同學,下次早返少少做好唔好?

  1. 4. 無人覆的group

明明宜加21世紀,時下年輕人都一定好習慣資訊科技嘅存在,甚至都用過whatsapp無數次。但點解每次係group講嘢都會無人覆嘅?莫非世界得自己groupmate係仲係唔識用智能電話?最吊????係佢哋會睇架喎。親,覆個字,俾個安心我,都唔係好難啫?

  1. 5. 咩都叫你搵

大家明明咁高咁大,硬係有啲人特別有leadership skills。佢哋傾project嘅時候好上心,發表哂偉論咁,但一要落手落腳就咩都叫你做。叫你幫手落埋佢個part啲references、排下字母呢啲都算,過份起上黎佢連資料都叫埋你搜集。呢啲人應該係覺得自己諗完point啲下欄嘢就可以俾啲細嘅做。俾返時薪就話啫,宜加咁樣咪做咗免費勞工?咁樣使人唔使本,腦細,仲有咩分附?

 

以上呢五種人,又唔可以e佢又吹佢唔漲。唯有認住佢個樣,下三世都唔好再同佢一組。

  ufinance-blog-promotion-img-July-2019
👉同學仔只要係早上申請☀,最快可以係下午🌅就拎到錢💰
👉申請只需要回答8⃣條問題➕2⃣份文件即可,6⃣0⃣秒完成申請😇
👉同學仔文件交齊📄,90%機會申請獲批✅
👉提早還款唔會收同學仔任何手續費或罰息
👉整個申請到還款過程 uFinance 不會收取同學任何手續費
 

Tags: , , ,

ufinance-whatsapp-icon