【升學/Non-jupas】Interview五大貼士 – 上

Joe Yam | 12/02/2019
【升學Non-jupas】Interview五大貼士 - 上
雖然身為asso仔,係呢個等上岸嘅過程每分每秒都好似係煉獄度咁。不過要數最為辛苦嘅,就一定係year 2要等offer個段戰戰競競、心驚膽跳嘅過渡期。適逢年頭又係interview嘅季節,今次以過來人嘅身份係度俾少少建議大家,望大家可以拎到想要嘅offer,風風光光咁為兩年嘅asso生涯寫下一個漂亮嘅句號。

1.執好自己個樣、點齊需要預備嘅嘢

呢一點雖然貌似好廢,但係俾少少耐性睇咗佢,睇吓自己有無漏。我知道呢一刻嘅你或許緊張、或許期待,可能花好多心機時間係準備真正見真章嘅group/individual interview個度,但請唔好忘記細眉細眼嘅地方先係真正嘅加分位。
Interview前一晚準備好合適嘅穿著,商科嘅人熨返套suit,女仔make sure絲䌩無穿無爛,知道對鞋磨腳就拎齊膠布確保唔會咁樣影響表現;文理嘅人都至少smart casual,所謂輸人唔輸陣,一行入去先用個勢贏人先。有傳某啲科會叫student helper係waiting room嘅時候已經記錄底interviewee嘅表現,所以行入去之前係廁所擺返個pose屎壯下膽,再以一個傲視群雄、面帶微笑嘅姿態行入去,感覺舒服嘅話同坐左右嘅同學、甚至student helper r吓水吹,做齊呢啲贏嗰個就係你架喇。
需要預備嘅personal statement、有齊所有獎狀/cert嘅活頁folder記得要放入袋,最好預備多份copy俾兩個interviewer。雖然佢哋都未必會即場睇你份personal statement,但係hightlight咗啲重點包你無死,一個唔該佢真係睇住黎問問題你都大概有個譜知佢出咩招。

2.自我介紹

好多人諗自我介紹都r哂頭唔知可以點樣介紹到impress到面試官、顯出自己出類拔萃之餘又唔會吹得太大。係度我有個小貼士俾大家,預備嘅時候上去個department/間u嘅官網睇吓,睇吓佢主打會陪育出咩類型學生,例如佢sell自己學生好international嘅,你咪順住個勢話自己好留意國際走向;如果佢sell學生有好勁problem solving skills嘅你可以舉個例自己solve過咩problem。做吓呢啲小動作,一黎顯出你有做功課、誠意一百分,二黎強行灌輸一個「你要嘅人就係我」嘅意識俾佢,等佢以為自己錯過咗你就會後悔一世,無收你就係佢哋department嘅損失,做到咁佢都控制唔到自己一定要俾offer你啦。
篇幅關係,另外三個再續。

延伸閱讀:

留學生存之道-儲錢完sem去旅行六大招式
投資推廣署暑期實習生 ( 月薪:港幣9,800元)

學費貸款】急住交學費? 大專生專享 即日過數學費貸款

大專生專享 – 5折清卡數

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more