Check自己係唔係選民 3分鐘完成選民登記!

Elsie Tang | 20/06/2019
Check自己係唔係選民 3分鐘完成選民登記!

上個星期我哋屋企發生咗好多事,相信大家心入面仲係猶有餘悸,但同一時間都想大家注意7月2日就係今年2019年嘅選民登記截止日期,網上有消息指部分無回應選舉事務處郵件/新身份證持有者/無確認住址人士都會係「無通知情況」下喪失選民資格。投票係公民義務,係我哋係民主社會可以發聲嘅權利,立即睇下文睇下如何確保黎緊11月24日嘅區議會選舉可以好好利用你嘅公民權利啦!
 

確認選民身份

各位曾經登記做過做選民嘅都一定唔可以掉以輕心,一定要上去「選民資料網上查閱系統」確認下。入到去閱讀規條之後請選擇「個人選民」,然後入返個人資料,下一頁你會需要回答你嘅住址資料(係呢一步如果連續三次答錯系統就會停止處理查詢),答哂呢啲就可以查到你嘅選民登記冊登記資料架喇!
 

未登記/需要重新登記嘅選民

  1. 手機登記

用手機登記就唔洗又去拎表又要寄咁煩啦,只要手機download 「Adobe Fill & Sign」。Adobe Fill & SignIOS版下載/Android版下載)
跟住去選舉事務處網站,或者直接按此download PDF版之後再用個app開返就可以填到架喇。按指示填哂就可以順便用email連同所需文件send埋去[email protected],咁就大功告成喇!
 

  1. 電郵申請

先從網上download表格,或者到民政事務處等拎print好嘅表格,填完之後掃描入電腦,一樣連同所需文件send去[email protected]即可。
 

  1. Offline遞交

想親身登記就可以去各區民政事務處、公共屋邨辦事處或選舉事務處(地址包括香港灣仔港灣道25號海港中心10樓/九龍九龍灣展貿徑1號九龍灣國際展貿中心13樓)拎表格,然後直接張填妥表格對摺投郵即可,或可以選擇傳真到2891 1180。
 
以上方法均需要申請人嘅住址證明(有關如何可以快速獲得住址證明可以click入黎細閱),如果申請人無住址證明可以以家人嘅「同住者聲明」代替。
 
 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more