【Fact Check系列】狗改不了吃屎係真?!狗仔食大便嘅原因

Twing | 05/05/2021
動物行為學家研究顯示,23%嘅狗曾經食過大便,而有16% 狗仔更食過大便 6 次或以上。「食屎狗」真有其事?你家狗仔有無食屎嘅習慣?今次Fact Check 系列同大家講吓狗仔食大便嘅真正原因以及改善狗仔食大便習慣嘅方法。

 

狗改不了吃屎係真?!

食糞便(coprophagia)係指動物食用自己或其他物種嘅糞便,喺人類嘅角度,係一種異常行為,但對狗狗嚟講其實係正常同常見行為。動物行為學家 Benjamin Hart 於2018年1月出版嘅 Veterinary Medicine and Science 中發表過一篇 “The paradox of canine conspecific coprophagy” 嘅研究調查報告,數據顯示當中 23% 嘅狗狗曾經食過大便,而 16% 更食過大便 6 次或以上。

【Fact Check系列】狗改不了吃屎係真?!狗仔食大便嘅原因

Benjamin Hart 嘅報告中表示,狗狗食大便嘅行為同年齡、飲食習慣、智商或者係咪容易訓練無直接關係,不過都有啲特徵係容易啲有食屎嘅行為:

1)為食(greedy);

2)多犬家庭嘅狗仔有更高機率出現食大便行為;

3)某啲品種嘅狗狗有更高機率食大便,如爹利(Terrier)、獵犬(Hound)、喜樂蒂牧羊犬(Shetland Sheepdogs),而貴婦狗(Poodles)相對少食大便行為。

 


Advertisements

 

 

狗仔食大便真正原因

相信狗仔食大便對主人係一件相當困擾嘅事,所以要知道狗仔食大便真正原因先可以好好解決。

 

1)天生習性同母性

美國賓州大學獸醫學院的動物倫理和福利學教授 James Serpell 表示狗仔食大便可能係因為犬類動物喺好早期就係為咗生存而取食剩食,因而一直演化到依家。狗媽媽會去奶狗BB嘅屁股刺激佢地嘅大小便,並食狗BB嘅大便,以減少大小便氣味,避免引來獵食性動物嘅危險。

 

2)糞便有未消化完嘅營養/消化不良

糞便可能含有完整嘅食物顆粒,亦可能有好多未被消化完嘅營養。尤其消化或吸收不良會導致大便裡面有殘餘嘅蛋白質,人類聞唔到,但狗狗聞到而且會好鍾意。嗅覺敏銳嘅狗狗發現大便依然營養豐富,就會將大便當食物食咗。

 

3)狗狗嘅教育

狗仔喺屋企亂大小二便被主人責罰嘅時候,狗仔可能誤會大便係錯誤,於是將大便食落肚,避免主人責罰。

 

4)學習主人

狗狗學習主人清理大便,但狗仔唔會用清潔用品,就唯有食大便。

 

5)餵食習慣改變

如果主人減低餵食嘅頻率或者份量,例如由放長糧改成一日兩餐,狗狗嘅飲食習慣就會改變,狗狗未適應嘅情況下就有機會食大便充飢。

 

 

View this post on Instagram

 

A post shared by Heaven Raven (@heavenravenofficial)

解決方法

動物行為學家 Benjamin Hart 嘅報告中發現,藥物同狗狗行為糾正及管理,對狗仔食大便行為成效唔高。奬勵狗狗無食大便嘅成功率達4%,其餘方法成功率得1-2%左右,包括追趕佢地食大便、將辣椒混入狗屎內、使用電擊/發聲頸圈等。不過以下方法主人們都可以試吓。

 

1/保持環境清潔

狗狗大便完就即刻清理。同時保持家居環境清潔,可以避免狗狗混淆食物同大便嘅氣味而誤吃。

 

2/正確教導狗狗

如果狗狗進食大便要話,但切忌體罰,反而應該喺狗狗無食大便時加以奬賞鼓勵,建立正確嘅觀念。主人都要保持冷靜,唔好追趕狗狗,一陣以為你同佢地玩耍,日後以食大便吸引主人注意。

 

資料來源:

狗改不了吃屎?解構狗狗吃屎的原因+5 招讓狗狗改善吃大便習慣

狗改不了吃屎又怎樣!自有道理的動物怪癖

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more