• 校園Guide

文章由 uFinance 提供

你總係最後一秒先去做paper、溫書嘅deadline fighter？好有可能你有拖延症。無論在學業、工作、或感情關係上，都可以係拖延嘅事，拖延行為可以成為生活上好大嘅阻礙，後果不堪設想。最大嘅問題係我地改唔到！！！

 

迫切而且重要

點解我地會將要做嘅事一再拖延？因為我地覺得件事遲啲做都無問題。我地要分析每一件事嘅迫切性同重要程度。先做最迫切而且重要嘅事，其次係迫切但不重要嘅事，接住係重要但不太迫切的事。因此，要減少拖延，就要令事情變得重要而且迫切。

 

列好待辦事項

計劃今個星期嘅待辦事項，再細分到每一日要完成的事，甚至時間，一目了然，會比唔知緩急輕重更有效率。好好運用scheldule app或者memo紙，提醒自己。

 

 

一個時間只做一件事

一邊做paper，一邊上youtube睇片，又點會專心到做野，原本做緊paper，比其他野sidetrack到，令到要完成嘅事一再推遲完成。我們已經習慣一心幾用，將生活上嘅瑣事同步進行，以為可以慳時間，但其實好無效率。一個時間只做一件事，一件事還一件事。

 

遠離任何誘惑

習慣拖延嘅人一般都容易受外界刺激影響，例如做野嘅環境因素、阻礙。最簡單就係遠離電子產品，突然電話彈通知有人搵自己，咁樣又分心，見到屋企張床，好想攤一攤，好易就攤咗大半日。要好好控制自己，避免自己被外界刺激影響，就有助減少拖延。

延伸閱讀：

【我要將你掙扎】健身健心黃色經濟圈 Fitness club推介

【戲院終於開返】6套必睇好戲／UA新會員優惠

【Fact Check 8】網民抵制TVB廣告客户 收入有無影響？