【Asso升U不是夢】過來人分享(1)Asso真實情況&攻略

Twing | 23/10/2020
【Asso升U不是夢】過來人分享(1)Asso真實情況&攻略

致啱啱入Asso嘅新鮮人,Asso係第二個入大學嘅機會,要好好把握。小編作為過來人分享關於Asso嘅真相,比個心理準備大家,亦有少少讀書、技巧、心態方面嘅tips,加油啊。

 

Asso副學士讀書真實情況

1/競爭大

Asso學位同HD唔同,Asso係for同學入返U嘅課程,讀Asso係再一次擁有入U嘅機會。只係得Asso嘅學歷仲衰過HD學歷,所以揀得讀Asso嘅人係100%想入返U。而得咁少位嘅情況下,所有Asso同學都會極之比心機讀書,每一個成績都影響住入唔入得返U,所有科目嘅功課、presentation、mid-term、final test等會aim A,不容有失,個個都爭做最top。可以想像到,Asso嘅同學做project會揀groupmate,groupmate好重要,個個都想揀個聰明、能力高、勤力、主動積極嘅同學一組,freerider、做唔到野、懶、交hea貨嘅同學自然會被淘汰,甚至臭朵。

競爭對象除咗你隔離個同學仔,仲有3種:有讀緊self-fin學位如樹仁、恆大嘅同學會想透過non-jupas入八大;Trans U嘅同學;外國讀asso嘅同學。

 

2/壓力大,心態好重要

由於Asso環境讀書氣氛濃厚、競爭大,壓力大係正常,好易讀到迷失同焦慮,擔心GPA同無大學offer。點樣準備都好,心態係最重要,抗壓力要高,小編之後會講讀Asso要有嘅心理準備同貼士。

 

3/見到語文能力基礎嘅分野

大部份科目都係英文讀,即使professor未必用全英教書,Notes都係全英。英文能力高嘅同學就顯得輕鬆;英文底子差就要花多少少心機,例如notes要查好多字,寫eassy嘅詞彙短乏,grammar無咁好都會扣咗少少分。

 

4/上堂模式貼近大學

上面講過Asso係for同學入返U嘅課程,Asso上堂模式基本上同大學一樣。

Lecture:professor教書,一大班人一齊上堂,兩至三個鐘

Tutorial:分小班做exercise或者in-class test,可能會計平時分

Mid-term:sem中間嘅測驗,通常考返Week 1-6內容,佔coursework嘅30-50%不等

大多數嘅同學會好認真專注上堂。另外,要自己reg科,執timetable,reg咩科、揀邊個proesor都好重要。

 

5/Year 1會有好多人走(升返上U)

Asso讀兩年,有部份人會想讀一年Asso就入返U嘅Year 1,所以佢地第一個sem開始chur GPA,你會見到過咗Year 1之後有少部份人唔見咗。

 

6/Year 2要兼顧Asso學業同interview

Year 2追GPA嘅同時,開sem無耐就要開始報non-jupas,睇院校課程、打personal statement、準備portfolio、準備interview、出席interview等等,要兼顧Asso學業同interview,會好忙碌。

 

7/group presentation比例佔較多

大專課程中,通常Group presentation比例佔較多,分數比較重要,會花較多時間喺傾project上。同其他人一齊合作做project,做power point、寫paper等。


Advertisements

 

攻略

讀書方面

1/專注上堂

上堂要留心聽professor講書,抄足notes。小編以前有個asso同學甚至會上堂錄音,驚miss咗重要位,留返之後溫書聽返。聽落好痴線,但比心機上堂,之後溫書都無咁吃力。

 

2/課堂表現好或許會加分

課堂表現包括attendance、有無準時到達班房、有無答問題、in-class功課成績等,視乎課程同科目而定,平時分要拎齊。professor印象分都會有影響,人係有感情嘅動物,佢係比分嗰個,如果你比佢嘅印象好,都可能比分鬆手啲。

 

3/備課

上堂前print定notes是常識,或者download定份notes。上堂前備課包括:望吓呢個chapter大概內容、查英文字等等,咁樣上堂嗰陣對內容已經有基本印象,會容易啲明白。

 

4/每個星期清concept

上完堂之後有野唔明係正常的,透過問同學、consult professor等等去清理唔明白嘅concept,令之後溫書時間短啲輕鬆啲,又唔洗積埋一次過先清咁辛苦。

 

5/及早溫書

廢話,但做到都唔係咁易,清concept可以當作溫書,X固返學到嘅野。

 

6/有時間可以選擇sit堂

同一科如果有唔同老師教,唔同老師嘅教學都會有分別,尤其某啲老師如果出名教得好,你有時間可以選擇sit堂聽多次書,聽吓多啲例子同解釋,當係溫多次書。

 

7/freerider問題

上面講過,大專嘅 group presentation比例佔較多,每一科都會遇到唔同性格唔同能力嘅組員,有機會遇到freerider或者交垃圾嘅同學。freerider問題可以選擇report,但通常都未必解決到問題又會搞到面左左,咁其他個solution都係硬食,做埋佢嗰份。唔好期望佢地會準時交到貨,就算做完最好都幫手finalize一下。唔想被人拖累就成為有能力控制大局嘅人,唔好等人carry。

 

技巧方面

1/勤檢查email

學校mailbox通常都係海量email,但都要多啲check,經常有重要野,唔好miss咗老師email。

 

2/reg科攻略

除咗必修科之外,有幾科係可以自己揀的,可以參考網上面關於科目嘅comment,包括professor比分鬆手定緊、嗰科係100% coursework定有exam、有幾多presentation、幾多份paper等等,都可以喺校網或者論壇上搵到,作為一大參考。reg咩科,除咗考慮興趣,100% coursework定有exam都好緊要,要思考你會選擇鍾意寫paper多啲,定係背書多啲;之後就係考慮上堂時間。

 

3/善用學校資源

Asso campus或者university campus有printer、電腦、library、common area、插座、24小時area、canteen等等,係一個讀書嘅好地方。

 

4/揀presntation時間

如果科科都有presentation,最好緊係present日子平均分佈。essay幾時交、mid-term幾時考無得揀,如果有得揀present日子,最好避免全部presentation撞埋一齊。

 

5/執適合自己嘅timetable

第一係講上堂timetable,reg科方面,執靚個timetable,善用時間。另外係指呢13個week嘅timetable,上面都講過如果科科都有presentation,最好緊係present日子平均分佈。

 

6/用本scheldule book mark所有日子

mark paper、presentation、mid-term、final test、exam等日子,要整齊同易睇,方便自己安排時間準備。

 

7/搵好同伴

除咗係讀書上嘅目的,仲係作為兩年asso生涯嘅扶持。呢兩年一啲都唔易過,若然識到一班比心機讀書、目標相近、願意互相扶持嘅戰友,升學路上都無咁孤單。


Advertisements

心態方面

1/認清目標

讀Asso係想入大學,若然你想輕輕鬆鬆咁過呢兩年或者睇吓好唔好彩入到U,你就要認真考慮吓揀其他嘅路,由Asso升上大學要比一般人花更多時間同心機。

第二,今個sem要拎幾多GPA?去到第二、三個sem打後,就要meet offer或者追CGPA成績,咁你要知道今個sem要拎幾多GPA先meet到你嘅目標、呢5科先拎咩grade,去定立目標。

第三,讀每一科嘅時候,要比預期目標更高嘅心態去讀,例如你aim B/B+,要用拎A嘅努力去實行,因為好多結果往往都不如人意。

 

2/正面積極

保持正面,只要肯努力係可以有好成績;平時project唔好諗住要人carry,唔想被人拖累就成為有能力控制大局嘅人;積極去consult老師,向同學請教。

 

3/自律

上到大專,你唔溫書去玩,無人會話你,講到尾都係要靠自己去管制自己,自己管理自己嘅時間點用。

 

延伸閱讀:

【Asso升U不是夢】過來人分享(2)Non-Jupas 準備懶人包

【Asso升U不是夢】過來人分享(3)Asso升學QA

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more