【2021】提升目標執行力!

Meimei | 04/01/2021

上次就講到大家可以由唔同方向去訂立目標,但實際上好多人都係Set完就算啦,過咗兩個星期就會無咗件事。到底點樣先可以提高目標執行力?今日就等小編過你兩招!

1/ 數據


要達成可量化嘅目標,背後最好有數據幫你。假如你新一年目標係要減肥,咁首先你要知自己想減幾多,大多數人以減少體重作目標,而有做開Gym嘅朋友仔就會留意體脂率同肌肉率。當你set好理想指標之後,你可能需要計算自己每日要攝取嘅卡路里,從而去控制飲食。

2/ 方法


你會用咩方法去實行你嘅目標呢?將你實行方法嘅步驟寫低,然後每隔一段時間就睇睇有無成效,必要時改良你嘅方法。例如你想學一種新語言,一開始你採取嘅方法係靠聽歌同記詞彙,當你檢討嘅時候,可能發現哩啲方法未夠全面,所以開始上網搵教學資源。

3/ 人


當你實行目標時,有機會都需要其他人嘅幫手。有啲咩人係真正幫到你達成標?又有啲咩豬隊友係會阻住你?打個比喻,如果你想搵個partner一齊創業,都要諗下對方嘅誠信、能力、效率等等。

4/ Idea


有時你會遇到樽頸位,諗唔同一啲更有效達成目標嘅方法。哩個時候你可以同屋企人、朋友傾下,睇下其他人會唔會比到意見你,或者可能會brainstorm到新嘅idea去幫你達成目標㗎!

5/ 環境


你身邊嘅環境都會影響你做事嘅執行性,一個適合嘅空間,可能推動你達成目標嘅效能。假如你屋企唔適合做運動,户外空間、健身室都可以令你更專注。又或者你需要安靜嘅空間讀書,自修室、圖書館都係唔錯嘅選擇。

以上五個重點可以提高目標執行力,但最重要其實係你嘅決心!希望新一年,大家都能夠達成目標!再一次,掙扎!


Advertisements

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more