【香港攝影熱點推薦】盤點香港五大最靚公共屋邨

Twing | 23/02/2021
【香港攝影熱點推薦】盤點香港五大最靚公共屋邨

近年愈來愈多人去公共屋邨影相,原本普通不過嘅一條邨成為咗拍攝熱點。不過其實除咗彩虹邨、南山邨,香港仲有好多屋邨值得行吓!以下五個公共屋邨背後嘅歷史你又知幾多?

 

荃灣福來邨

#上居下舖 #公共空間

 

View this post on Instagram

 

A post shared by K W Ng (@nkw8382)

福來邨歷史悠久,60年代興建嘅公屋,係當時香港屋宇建設委員會興建嘅十個廉租屋邨之一,係為當時「白領階級嘅低薪者」包括教師、公務員等提供高水準又平租嘅單位,因此質素一般比徙置屋邨高。

屋邨中央仲設咗一個附設舞台嘅大廣場,呢啲難能可貴嘅公共空間,提供「唞氣位」比居民,比人一種舒適嘅空間感。

【香港攝影熱點推薦】盤點香港五大最靚公共屋邨

 

屯門大興邨

#下闊上窄斜面

【香港攝影熱點推薦】盤點香港五大最靚公共屋邨

大興邨大部分樓宇所採用的大十字型設計,大十字型嘅樓宇特色係地下大堂為雙層式設計,每層大堂闊落,29層高,每層設4翼每翼12個單位,每層共48伙,比起新式嘅屋邨多單位。最最最有特色嘅係使用下闊上窄嘅斜面設計,使低層單位有較多採光面積,亦令樓宇可以提供更多元化面積嘅單位,非常獨特。

 

View this post on Instagram

 

A post shared by Ron Ku (@__unclesnap__)


Advertisements

 

觀塘樂華邨

#拍攝好去處 #打卡熱點 #中國建築元素

【香港攝影熱點推薦】盤點香港五大最靚公共屋邨

觀塘樂華邨係比較廣為人知,係因為佢位於停車場天台嘅打卡位,除咗有拍攝地方,呢個屋邨仲富有自己嘅特色。

樂華邨喺1982年12月至1985年7月分4期落成,命名「樂」「華」二字有「快樂中華」的含意。除咗命名上,屋邨設計上亦有中國建築嘅元素,例如曲梯往屋邨入口設置咗月門一道,上方有一塊花崗石牌匾以中式書法刻有「樂華邨」三字,行人天橋上紅色三角形裝飾等都係將中式建築特色抽象化後,再以現代簡約手法表達出嚟。另外,樂華邨都有買少見少嘅冬菇亭熟食檔,充滿舊式風味。

【香港攝影熱點推薦】盤點香港五大最靚公共屋邨

樂華邨能夠成為熱門攝影地點係因為屋邨內嘅停車場天台,唔太起眼,但係一排排外方內圓嘅淺藍色水泥牆,形狀劃一齊整。配合陽光普照嘅時候,仲會有陰影,點綴成個畫面。連Got7《You are》MV都嚟呢到取景。

 

大坑勵德邨

#拍攝好去處 #打卡熱點 #唯一圓柱形公屋

 

View this post on Instagram

 

A post shared by Tri-Pegasus (@air_titan)

香港早期興建嘅公共屋邨部份係方形設計,然而勵德邨嘅圓形建築可謂獨一無二。圓柱形中空設計,令自然光從天台投射落嚟,不論上而下,還是下而上咁張望,都有一種看唔透、時光隧道嘅感覺。神秘而有趣嘅勵德邨成為咗ig打卡點之外,仲係電影廣告嘅拍攝場地,包括電影《攻殼機動隊》。

勵德邨以「公屋之父」之稱的鄔勵德而命名,呢到象徵其設計理念「鄔勵德原則」。二戰時期,佢曾經係俘虜,經歷數十人共用廁所嘅牢獄歲月,所以一直主張每個單位需要設有獨立廁所同廚房,表現對人應有嘅尊嚴,因而成就出「鄔勵德原則」。

 

View this post on Instagram

 

A post shared by R (@r.phot0)

 

 

香港仔華富邨

#海景

 

View this post on Instagram

 

A post shared by Philip Yim Chun-ho (@philipyimc)


華富邨係香港一條好出名嘅公屋,正正因為佢望到海景,被人稱為「平民豪宅」。有超過50年歷史嘅華富邨,由海角伸延到半山,鄰近貝沙灣、置富花園、瀑布灣,坐擁無敵海景,甚至比貝沙灣豪宅離海更近,所以好多公屋富戶都唔願意交還單位,全因景色太靚。有好多著名人士都曾經喺到居住,包括阮小儀、黃仁龍。

 

View this post on Instagram

 

A post shared by Yin (@kacozi)

 

【香港攝影熱點推薦】盤點香港五大最靚公共屋邨

同好多舊式屋邨一樣,有正方形嘅天井,比自然光曬入中庭。

 

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more