【語言文化】集合吧 廣東話保衛隊 四個學習粵語平台推薦

Winna | 01/01/2022

近年大家對於保育廣東話嘅意識都增加咗,而係坊間都有唔同組織會推廣粵語,今日就同大家介紹四個Facebook Page,等我地都可以對呢門語言認識同了解更多啦。

迴響粵語文學期刊

《迴響》係一本用粵語寫成嘅刊物,一部分內容係粵語小說,而另一部分就係其他類型嘅粵語文章。到現時為止,佢地已經出咗十六期㗎啦。每期都會邀請到唔同人物用廣東話寫文。對於想接觸更多廣東話嘅你,記得留意住佢地啦。

冚唪唥

《冚唪唥》呢個組織係會定期出版粵拼故事書,而且仲有個網頁上載咗四個唔同系列嘅免費教材,包括「睇故事書」、「睇片」、「聽故仔」同埋「上堂喇」,仲有分小朋友同青年/大人程度㗎添。而且佢地仲有推出「跳跳紮拼音轉換器」,當你輸入咗文字之後,就可以揀分詞同設定,再㩒生成就會出粵語拼音同呢個中文字嘅意思㗎啦,想學多啲粵拼嘅你,呢個工具就好適合你啦。

廣東話資料館

廣東話資料館會分享有關粵語同本地文化嘅小知識,例如佢地曾經出過一篇文章「蔗糖、果糖、沙糖、砂糖,冇乜唔同?」平時聽就聽得多啦,但係問到點樣分別,又真係會考起我地㗎喎。加上佢地係用廣東話寫文章,一次過可以學曬兩樣野添。

Cantonese Mommy

Cantonese Mommy係由一個定居喺海外嘅媽媽開㗎,定時就會用講故事形式,錄啲廣東話小故事上去YouTube到。仲會因應唔同節日出翻相應嘅故事,亦都有唔同系列可以選擇㗎。

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more