【脫獨工程(2)】疫情底下初次約會去邊好?

Twing | 25/12/2020
【脫獨工程(2)】疫情底下初次約會去邊好?
上一次脫獨工程講完點樣同有興趣嘅對象展開話題,傾到咁上下,就要約出黎,但疫情底下可以去邊到約會呢?揀初次約會地點有咩準則?邊到會係地雷?

 

挑選初次約會地點準則:

1. 較輕鬆

2. 不能太隆重

可能係電話傾到有少少感覺、好感,就約出黎,觀察同了解對方更多。可以約會嘅地方有好多,但初次約會要穩陣啲好,避免有出醜嘅機會,小編建議選擇較輕鬆嘅行程。唔好太隆重、精心策劃嗰類,依家先第一次約會,對方會有壓力。小編認為初次約會有一個活動+吃飯就好,不用太長時間,一個晚上或者一個下午。

 

疫情下初次約會活動:

以下係小編認為幾唔錯嘅約會活動或行程,先拋磚引玉,大家睇吓覺得點!

行海傍/海邊

行海滂夠晒舒服,睇風景,睇夕陽或者燈飾都好有氣氛,可以一路行海滂一路傾偈都係一個好好嘅時光。

觀塘海濱花園:

【脫獨工程(2)】疫情底下初次約會去邊好?

紅磡海濱花園:

【脫獨工程(2)】疫情底下初次約會去邊好?

尖沙咀海傍:

【脫獨工程(2)】疫情底下初次約會去邊好?

屯門海濱長廊:

【脫獨工程(2)】疫情底下初次約會去邊好?

數碼港海濱長廊:

【脫獨工程(2)】疫情底下初次約會去邊好?

石仔灣碼頭:

【脫獨工程(2)】疫情底下初次約會去邊好?

海港城觀景台:

【脫獨工程(2)】疫情底下初次約會去邊好?

 

行ikea

ikea係好多人都好中意hea、消磨時間嘅地方,又多野睇,都可以至少花上一個鐘嘅時間,作為飯前或者飯後傾偈散步嘅地方都唔錯。(唔洗消費,因為是藍的。)

 

玩有共同興趣的手作坊

玩手作坊適合同樣都有文藝氣息重嘅對象,例如整皮工作坊、押花班、咖啡拉花班,都係唔錯嘅選擇。可以揀一啲大家都有共同興趣嘅workshop,增加互動,因為有住同樣都容易增加好感。用手作坊黎邀約仲好自然添,唔會太明顯or進激。淨係一個手作坊就可以花上成個下午。

政府措施放寬或疫情緩和的話,

睇戲

睇戲係一個非常common嘅約會活動,可惜戲院要24號之後先開返。有啲人會話睇戲嗰1-2個鐘無得交流,但其實係可以增加話題,完場可以一齊討論劇情。

行博物館

可以選擇行博物館,行商場有啲無聊,而博物館就多野睇,又唔洗錢,甚至有一啲小遊戲,絕對係諗唔到做乜好嘅下策。

香港科學館:可以喚起好多人嘅童年回憶,仲有好多新展廳。

【脫獨工程(2)】疫情底下初次約會去邊好?

香港歷史博物館:

【脫獨工程(2)】疫情底下初次約會去邊好?

香港太空館:有啲展覽廳有遊戲玩。

【脫獨工程(2)】疫情底下初次約會去邊好?

鄉土玩具博物館:有好多得意嘅擺設,不過地方唔大。

【脫獨工程(2)】疫情底下初次約會去邊好?


Advertisements

 

初次約會地雷:

沙灘

著泳衣暴露身材,身材唔夠好、無肌肉、有肚腩等等,暴露缺點唔係好事。而且第一次見面就著咁少睇到身材又太快,可以留待後幾次約會先去。

行山

行山好易露出一個人真面目,流大汗、搵路、爬山,有啲人流大汗好易就會發脾氣,女仔個妝又會溶晒,所以以初次約會嚟講no good。

唱K

兩個人唱K實在太尷,難以帶動一個好high嘅氣氛,好易靜咗,同埋感覺依家已經唔流行去唱K。加上初次約會都係去返啲公眾地方比較令大家放心。

高級餐廳

高級餐廳例如酒店lounge、法國餐廳就太靜啦,唔係好適合兩個人自在地傾偈。而且第一次就去高級餐廳,太heavy了吧,拍拖餐餐自助餐?

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more