【脫獨工程】第七招:6大NG表白行為

Twing | 16/03/2021
【脫獨工程】第七招:6大NG表白行為
想脫獨就一定會想表白,點樣嘅表白係嚴重地雷?以下6大NG表白行為,記得唔好犯啦。

 

第6名//酒後告白

【脫獨工程】第七招:6大NG表白行為

表白需要勇氣,酒醉就可以放鬆成個人做啲平時唔夠膽做嘅事。因此唔少人會選擇酒後表白,萬一對方拒絕都仲可以扮斷片無咗回事,成功就叫BB,可以比落台階自己,不過會比對方一種唔認真、不負責任嘅感覺。

 

第5名//Whatsapp等短訊告白

【脫獨工程】第七招:6大NG表白行為

現今習慣事無大小都用社交程式例如snapchat、instagram、whatsapp同朋友傾偈,表白都透過電話講就唔ok!雖然當面講真係好怕尷尬,但隔住電話表白,對方睇住冷冰冰嘅文字,打到幾天花龍鳳都feel唔到你啲誠意啊。


Advertisements

 

第4名//勞師動眾

【脫獨工程】第七招:6大NG表白行為

號召朋友幫手在場見證,同大庭廣眾表白一樣令人有壓力之外,表白行為亦有啲誇張,似求婚嘅level。甚至喺成班朋友起鬨下表白,朋友都覺得你地好襯所以不如一齊啦,亦會令對方認為你係受朋友比嘅壓力底下先表白,缺乏真心。而且仲會成為大家茶餘飯後嘅話題,造成困擾。

 

第3名//以親密接觸代替親口表白

【脫獨工程】第七招:6大NG表白行為

有一類唔敢開口表白,就會喺約會時或曖味其間,以親密接觸例如默默搭膊頭、拖手、kiss,就當大家一齊咗。事實上,如果兩個人未有呢個默契時,對方就會覺得好似比你抽水或者以為你只係想有身體上嘅接觸而唔想作出一啲承諾。

 

第2名//大庭廣眾

【脫獨工程】第七招:6大NG表白行為

大庭廣眾係指多人地方而且受人注目的方式,例如喺主題樂園大空地、喺學校podium同學面前大聲表白等。呢種場面有好多陌生人望住,被告白嘅人會有壓力,好多人都會因為尷尬而應承拍拖,其實唔浪漫,咁樣壓迫對方就唔好啦。

 

第1名//死纏爛打

【脫獨工程】第七招:6大NG表白行為

死纏爛打定義大概就係,對方已經表明對於你感覺上或行為上嘅反感,或者拒絕你嘅告白之下,你仲鍥而不捨咁搵對方,方式仲要係十分纏身。咁樣真係會令對方感到非常壓迫,甚到嬲怒,表白成功率十分低。


Advertisements

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more