【珍奇異國】各國考生考試前食咩最lucky?韓國人原來係食XXXX

Queenie | 24/11/2021

新系列來了!🎉大家已經被肺炎困咗係香港2年幾,係呢兩年入面大家都好推動本地文化,令大家都對香港又更多認識。肺炎呢個情況似乎睇唔到盡頭咁,眼見好多大學都已經開始有返exchange,可以離開一下香港,但係呢個機會唔係個個有份😢既然係咁,我地就開一個新系列「珍奇異國」!呢個系列將會同各位分享世界各地有趣嘅事同物,就算冇得去旅行/exchange,都可以睇下其他國家嘅資訊,用文字同圖片帶你去旅行!✈️ 最近mid-term完曬,但係exam逼近!以前成日聽阿爸阿媽講「食多啲蔥啊仔!食蔥聰明啊!考試都考得高分啲!」然後阿爸阿媽就會逼你食蔥🤮其實喺唔同國家都有各自各對食物嘅迷信,你又估唔估到其他國家嘅學生考試前食咩先係最lucky呢?

 

1.日本

日本學生考試前會食嘅有「炸豬扒飯」、「KitKat」同埋「Pocky百力滋」。日本學生會食炸豬扒飯係因為炸豬扒飯嘅日文係「カツ丼 (どん)」,「カツ」同勝利嘅日文「勝(か)つ」嘅讀音相同,就好似我哋話食蔥聰明一樣,都係攞個諧音。

「KitKat」都係因為個名字嘅發音同「きっと 勝(か)つ」嘅發音好相似,都係因為諧音而成為考生嘅幸運食物。Kitkat每逢考試季節都會還會在包裝上印一啲字句為考生打氣。

最後Pocky百力滋可以成為幸運食物係因為Pocky百力滋嘅日文讀音倒轉讀嘅話,意思就會變成“吉利的喜訊”,所以就變成考前必食嘅食物了。

 

2.台灣:

喺台灣,考生嘅幸運食物就係粽。原因主要都係因為諧音,希望考生可以「粽(中)」榜。所以每逢考試前台灣嘅學校都會係考試前派一個粽仔比學生。

 

3.韓國:

至於韓國,唔知大家睇韓劇有冇見過父母一定會係考試前係會比自己嘅仔女食年糕,或者其他有黏性嘅糕點呢?冇錯,年糕或者其他有黏性嘅糕點係韓國考生嘅幸運食物!因為年糕有黏性,寓意住考生可以癡住係入學榜上,可以成功考到大學。而「癡」呢個動詞係韓文中都有「及格」嘅意思。

          

 

4.俄羅斯:

俄羅斯有個傳統叫「Face into your porridge」,考生會係考試當天嘅早餐食一碗「大力士粥(Hercules porridge)」同埋黑莓果醬。點解叫「Face into your porridge」?因為俄羅斯傳統中,勤奮嘅學生要將臉直接放入碗粥入面,然後要食曬碗粥先可以去洗面。

5.印度:

最後,印度人如果當日要去考試,或者去一啲重要嘅interview,佢哋嘅父母都會係出門前食喂佢哋食一羹乳酪+糖。相傳印度教吠陀經典中,當你緊張嘅時後,緊張會對你嘅胃造成傷害。 乳酪是一種益生菌,有清涼作用,而糖嘅甜味可以有舒緩作用。

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more