【珍奇異國】世界各地聖誕市集 豬腳、大蒜芝士必食?

Winna | 01/12/2021

又到聖誕~又到聖誕~踏入12月,總係會有一種莫名嘅幸福感,唔知係咪因為就嚟到聖誕節呢?今日等我哋帶大家一齊睇下世界各地嘅聖誕市集呀。

法國斯特拉斯堡聖誕市集

位於法國東北部一個城市—斯特拉斯堡係1992年由副市長定為聖誕之都,呢到由1570年已經開始舉辦聖誕市集,所以成為歐洲最古老聖誕市集之一。村入面有超過300個市集掛起燈飾,大家就會係唔同小店到揀聖誕裝飾同禮物㗎,仲會品嚐到當地紅酒添。

圖片來源:Colmar Tourism Office

仲有一個最特別嘅地方,就係斯特拉斯堡只係同德國隔住一住萊茵河,所以你就可以係一個地方入面體驗兩種文化。

奧地利維也納聖誕市集

圖片來源:Vienna Tourism Office

位於維也納市政廳附近,維也納聖誕市集總係籠罩住濃濃的節日氣氛,市集入面會有過百個攤位,售賣奧地利美食、Christmas Punch (賓治酒) 、聖誕裝飾等。仲會有一個3000平方公尺嘅大型溜冰場,俾一家大細係專用場地上面,體驗一項精彩嘅冬季運動—冰壺。

Advertisements

波蘭克拉科夫聖誕市集

圖片來源:Targi Bożonarodzeniowe

克拉科夫聖誕市集會係中央市集廣場舉行,呢個城市每逢12月就會落雪,真正過一個白色聖誕~當地盛產手繪裝飾品、果仁同糖果,喺市集入面有機會搵到平價嘅古董或者奇怪嘅小玩意添。

值得一提,豬腳同大蒜芝士都係波蘭著名傳統小食,凍冰冰嘅天氣買一份小食再配波蘭手工Vodka(伏特加),絕對係完美配搭。

德國柏林夏洛滕堡宮聖誕市集

圖片來源:The Official Website of Berlin

係柏林有好多地方都有聖誕市集,其中一個最壯觀嘅就係位於夏洛滕堡宮前面,每年都會有過250個商户係到賣五花八門嘅裝飾品、工藝品,仲有聖誕糖果、杏仁餅麵包同雪碧餅乾。市集入面仲有馬車遊樂設施,成個地方都會圍繞住懷舊氣息。

紐約布萊恩公園聖誕市集

位於布萊恩公園露天市場,係紐約著名嘅聖誕市集之一。市集入面大約會有125個攤檔賣世界各地嘅珠寶同手工藝品。而且有一個吸睛打卡位—約瑟芬·肖·洛厄爾紀念噴泉,佢係一位十九世紀美國進步主義改革領軍人物,1890年創建美國消費者聯盟,呢個噴泉就係紀念佢㗎啦。

圖片來源:Liz Ligon

呢個嘆泉特別之處係會成日係冬天結冰,仲有機會係附近見到聖誕老人同佢嘅精靈添。唔止呀,有一個佔地17,000平方尺免費入場嘅溜冰場添~

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more