【本土藝術系列】香港主題明信片 有得免費拎㗎

Winna | 20/11/2021

喺香港生活咗咁耐,係咪成日都總係覺得其他國家比起自己地方靚?其實間唔中放慢腳步,搵一日真正咁放低電話,抬頭望下周圍嘅景色,你就會發現,香港其實真係好靚~

唔講唔知,原來有一班日本人十分鍾情香港地道文化,佢哋會學廣東話,仲會周圍走去發掘香港特色。與此同時,仲喺Instagram開咗個「#香港迷」Hashtag,專係放啲被遺忘嘅香港景色,好似茶餐廳、叮叮咁。

而之前南豐集團住宅品牌nf HOMES與香港知專設計學院早前舉辦了「#香港迷明信片插畫設計比賽」,搵咗90後本土藝術家何博欣(Vivian)擔任導師,同60位同學仔一齊創作一套四款嘅香港明信片。

呢個系列嘅明信片係由林卓欣同學設計,佢嘅設計主題係用雀仔當導遊,帶各位鳥瞰四大受歡迎嘅打卡屋邨,包括樂華邨、南山邨、彩虹邨及祖堯邨。林同學分享雖然香港係一個大都會,但係作為香港迷,平日接觸嘅事物先係最有價值。

Advertisements

第二個系列嘅明信片係張小雪同學以旺角「金魚街」嘅金魚做主角,「游」到去茶餐廳、山海樓、電車路同埋霓虹燈夜景。仲有一個好特別嘅寓意㗎,就係金魚奮力游動,就好似香港人永不放棄,力爭上游嘅精神。

最後一個系列就係用平民美食做主題,原來味道係最可以引起大家共鳴,好似點心、雲南米線、粒粒雪糕咁,講起都流哂口水呀~陳倩薇同學就以以50至60年代嘅長者、60至80年代嘅成年人、90後嘅年青人,以及00後嘅小朋友四個年齡層做設計背景,仲專登用咗四種唔同顏色,有黑白、啡色、鮮色和糖果色,象徵四個唔同年代添。

呢三款明信片將會由今個月15號起開始派發,鐘意香港嘅你,千祈唔好錯過啦!

3套#香港迷明信片(每套4款)免費派發(數量有限,送完即止)

派發地點如下:

Nan Fung Place (中環德輔道中173號)

-The Mills南豐紗廠 (荃灣白田壩街45號)

-將軍澳廣場 (將軍澳唐德街1號)

-香港知專設計學院 (將軍澳景嶺路3號)

-Beanery (中環干諾道中88號南豐大廈地下G08號舖)

-Viva Life Coffee活著啡花 (中環德輔道中141號中保集團大廈地下C2A-C2B號舖)

-29 Coffee (上環文咸東街50號STRAND 50地下G2號舖)

-Loft & Scone (中環機利文新街6號地舖)

-Meanwhile coffee今半啡 (上環禧利街33號LG樓F2號舖)

-Halfway Coffee半路咖啡 (上環東街12號太盛樓地鋪)

-Island Garden住客會所接待處(筲箕灣柴灣道33號)

-LP6住客會所接待處 (將軍澳日出康城康城路1號)

-LP10 展覽廳 (九龍灣臨澤街8號啟匯1樓)

-Ori住客會所接待處 (屯門良德街3號)

-The Visionary住客會所接待處 (香港東涌迎康街1號)

 

 

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more