【有人共鳴】 2022年要多愛錫自己 喺Instagram都會搵到療癒方法?

Winna | 10/01/2022

平時碌Instagram,除咗睇朋友仔今日去咗邊到玩、睇明星生活日常、睇下有冇啲買之外,會唔會都想睇下啲插畫同文字,等自己可以放鬆下呢?今日就同大家介紹6個IG Page,從佢地創作嘅文字同插畫得到共鳴,又會不知不覺間得到療癒,覺得有興趣嘅你,不妨去Follow下呀。

Dustykid_hk 塵漫畫和故事

點解呢個Page用塵嚟做主角咁得意?原來係因為當時作者正值人生低潮,感覺身邊冇人可以依靠,唯要對自己好啲,擁抱自己,於是就畫咗個朋友仔 — 塵,可以一世陪住自己。

「為了生活,你放下自己喜愛的事,獻出了本屬自己的時間,掩藏著自己內心的聲音。這個你,還是不是自己?」

Humchuk 含蓄

所有主角都係由簡單線條畫成,面上都係得一個表情,配合埋作者文字,雖然睇落會令人覺得好悲傷,但係知道有人明自己,其實你並不孤單。

「沒有最好的一刻,沒有最壞的時候。因為當下,只有當下。」

 

Fifihandwriting

作者係一個摩羯座女仔,透過畫畫同寫作,學習同自己對話,抒發心情、記錄日常生活。而所有插圖嘅主角都係一隻小刺蝟,陪住各位行落去。

「你相信什麼,你的人生就是什麼。」

Ordinary_girl_girl

作者希望每位入到去呢個IG Page嘅你地,都會鍾意呢一個宇宙入邊嘅溫暖。圖畫以小女孩做主角,加上勵志嘅字句,都令人係煩囂生活中,有一絲平靜同安慰。

「相信那些流淚的過程,時間最後都會讓我們用微笑收成。」

Ns_draw

每張插圖入邊有大笨象或者小男孩做主角,主題會同日常生活好有關係,有人明你,碌起IG上嚟人都會開心啲,留返啲自己獨處同思考嘅時間。

「不要心急,因為有時我們能做的,只有慢慢等待。」

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more