【文娛活動系列】- 發掘香港深度文化 vol.3

Meimei | 12/03/2021
【文娛活動系列】- 發掘香港深度文化 vol.3

好悶呀!劇又睇晒!街又無嘢好行!重有咩地方可以去Hea下呀?今日就等小編介紹三個文娛活動比你解解悶啦!

 

1/ 第四十九屆香港藝術節

今年香港藝術節主題係『遠在咫尺』,除咗可以簡單理解為過去一年全世界所處於的隔離狀態,同時亦同部分節目呼應,例如《鼠疫》、《挪亞方舟》等。今年節目形式俱備古典傳統口味,以及大膽創新嘅表演形式,無論線上線下都令你目不暇給!推介節目包括,香港賽馬會當代舞蹈平台十周年 —《當代十年》、《在不明確的世界中尋找意義》、《;馬修.伯恩新冒險舞蹈團芭蕾電影 —《紅舞鞋》、《天鵝湖》、《仙履奇緣》、《羅密歐與茱麗葉》;捷克布爾諾國家歌劇院 —《耶奴法》、《狡猾的小狐狸》、《失蹤者的日記》等等。

 

日期:2021年2月27日至3月26日

詳情網站:www.hk.artsfestival.org/tc

 

2/ 搶耳音樂節2021

「搶耳音樂」由文藝復興基金會於2016年創立, 佢地致力推廣香港新音樂推動亞洲同全球的音樂連結。過往舉辦過嘅項目包括:「搶耳音樂廠牌計劃」、「搶耳全球」、「搶耳巡演」及「搶耳博覽」等。今次搶耳音樂節邀請到實力歌手陳健安及由觸執毛主音Jan Curious同國際知名爵士結他手Teriver發起嘅樂隊R.O.O.T,重有好多本地獨立音樂樂隊同歌手。鍾意音樂嘅你千祈唔好錯過啦!

 

日期:2021 年 3 月 10 至 11 日

時間:7pm – 11pm

地點:西九文化區 藝術公園 自由空間 大盒

香港西九文化區博物館道18號

詳情網站:https://www.facebook.com/earupmusic/?ref=page_internal

 

3/ 鹽田梓藝術節

西貢鹽田梓係一個有接近三百年歷史、融合天主教同客家文化嘅小島,島上居民以客家陳氏組成。隨著城市發展,村民陸續遷離鹽田梓,但小島仍保留著珍貴嘅自然生態同歷史古蹟。鹽田梓藝術節由旅遊事務署主辦, 係一個為期三年的先導計劃,以「天、地、人」作為每屆藝術節主題,為參加者帶來集藝術、宗教、文化、古蹟同綠色元素於一身嘅嶄新體驗。係疫情「新常態」下,今屆藝術節改以網上形式舉行,設有網上展覽同語音導賞,以及舉行網上導賞團及節目,等參加者可以另一種方式欣賞藝術作品及鹽田梓的風光。延續2019年藝術節「天」嘅概念,今年網上藝術節以「地」為主題,透過多元化嘅藝術作品向訪客介紹鹽田梓獨特自然風貌同哩片土地嘅故事。

 

日期:2021 年 2 月 12 日 至 3 月 11 日

詳情網站:https://www.yimtintsaiartsfestival.hk/index.php?lang=tc

 

疫情之下好多活動都改為網上進行,雖然一定無實體活動嘅體驗咁正,但至少都有個岀口比係屋企屈到悶嘅我地解下悶呀嘛!


Advertisements

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more