校園Guide

呢個世界無邊一個人嘅人生能夠一直一帆風順，樂觀啲咁睇，歷經苦難後收穫嗰份成長與蛻變可能令你一生受用呢。今日小編就推介8首「苦味濃」嘅歌，正經歷苦難嘅你要知道好多人都陪緊你，唔好放棄！

 

1.林俊傑《修煉愛情》

據聞JJ作呢首歌是為咗紀念一位因空難離世嘅紅顏知己，女孩曾經向JJ 表白但佢無接受到。而空難發生之後，女仔遺物入面嗰張JJ嘅相亦都成為左佢心入面嘅一條刺，呢種再也不能相見嘅遺憾亦成為咗大家心入面嘅痛。

 

2.莫文蔚《忽然之間》

失去了你，才懂得生命的意義。生離死別可能係世界上最遙遠的距離了，呢首歌係為咗921大地震專登創作嘅，忽然之間，天昏地暗，世界可以忽然什麼都沒有。無人知下一秒會發生啲咩，我諗我哋唯一可以做嘅就只係珍惜眼前人。

3.周杰倫 《軌跡》

如果說分手是苦痛的起點，那在終點之前我願意再愛一遍。那種無限輪迴卻不能有結果的愛情係好多人心中嘅痛。縱使心中有千言萬語想對你訴說，但最終只可以緊緊閉上眼以微笑掩飾。不過放心啦痛苦總會過去，人總會找到專屬自己幸福的起點。

4.盧冠廷 《一生所愛》

提起呢首歌，好多人第一反應應該都會係星爺套「大話西遊」。至尊寶同埋紫霞有緣但無份，最終只可以化為一句「在世間難逃避命運」。苦海翻起愛恨，其實也不過就是生活的命運，所以若搵到一生所愛，記住要好好珍惜啊～

5.蘇打綠《小時候》

唔知喺大家心目中嘅爸爸形象係點呢，係咪都如歌曲中描述咁係嚴肅而內斂嘅呢？同好多人一樣，小編都未親口同爸爸講過我愛他，歌曲中描述嗰種失去嘅遺憾相信喺每個人都唔想經歷嘅，而我諗最苦嘅莫過於很多想說的話還未說出口就已經無機會再講了。

6.Adele 《Someone like you》

呢首歌可以話係Adele 嘅代表作之一，「Never mind I’ll find someone like you 」呢一句歌詞可能係成首歌入面最令人心悒嘅一句，有啲傷痛同疤痕永遠都會留喺心入面，可能沒有了你和誰都一樣吧。

7.陳慧琳 《最佳位置》

呢首歌唱緊了天下單戀者嘅苦楚，一句喜歡你，最好不要講，安守這位置唔知大家會諗到邊個呢… 唔緊要，小編喺心目中留咗個好好嘅位置比大家～

8.盧巧音《垃圾》

愛一個人可以卑微到咩程度？經歷過愛而不得嘅人聽到「被你浪費，被你活埋」呢句歌詞就好似被勾起所有內心嘅悲痛咁。但單戀唔一定係完全卑微，亦可以有什麼都不怕嘅孤勇。殘忍有時都唔一定完全係壞事啊係咪。

小編希望大家就算經歷苦難都可以涅槃重生，當感到唔開心嘅時候就聽下歌舒緩心情啦～