【愛戀沒經驗】穩定而又甜蜜蜜,維持長久戀愛的6個小tips

雪仔 | 25/07/2021

相信唔少人都有擔心過,究竟自己嘅愛情的保鮮期能夠維持多久。其實維繫一段正確而又健康嘅感情話難唔難,話易亦都絕對唔易,最緊要係兩個人都為咗感情而共同努力。而小編今日就深入淺出哋總結咗6個小tips,快啲tag埋另一半入嚟學嘢喇!

1.適當妥協

感情中兩個人可能成日會因為唔同嘅諗法同價值觀而有許多拗撬,但其實每個人都係獨立嘅個體,當你哋有想法分歧時,其實係無絕對嘅對錯。多啲包容同了解對方,適當哋為呢段感情妥協,將多啲時間留喺愉快相處上面會更好喔~

8個讓愛長久的方法:愛著對方真實的樣子、不害怕衝突|親子天下

2.「說出來」的文化

講出嚟係情侶之間重要嘅溝通技巧,坦誠咁表達內心的感覺、想法,先可以令對方感覺到你嘅柔軟同真誠。例如你而家需要一個擁抱,就應該要坦言咁向對方表達這個需求,而唔係expect乜都唔做對方就可以完全明白你的心,呢個世界無咁多心靈感應,長時間靠估亦都會令雙方嘅相處變得好辛苦!

20張超好笑【講出來】梗圖!快來看看網友們的搞笑創作!

Advertisements

3.尊重彼此的界線,無條件信任對方

人與人之間其實都幾需要一種邊界感,無論係再親密嘅情侶又好/朋友都好,都要體貼尊重。如果超越咗嗰條界線,咁再多嘅愛,都會變成侵犯和負擔,反而造成彼此心靈的隔閡,漸行漸遠。而我亦都知好多人喺感情中會無安全感,但嘗試學習信任對方,自由而非綑綁的愛,自己反而會快樂好多。

戀愛講座】婚姻長久的秘訣:給予給彼此最大限度的自由| manfashion這樣變型男

4.學識傾聽

而家好多情侶有個通病就係,即使兩個人相處嘅時候,都會不自覺哋將focus擺左係自己部電話/遊戲機度,咁樣好容易會令對方感受到被忽略,從而產生好多負面情緒。想感情越嚟越穩定,溝通好重要~兩人相處時就要認真傾聽彼此說話,而唔好成日都一心二用/hea住回應對方,咁樣會令兩人嘅距離越來越遠呢。

所有的愛情都是源自於好奇」4種聊天方式,讓他慢慢喜歡妳| 戀愛指南| Babyou姊妹淘

5.不要害怕「無聊」

好多人都會幻想自己有段轟轟烈烈嘅戀愛,但其實過了熱戀期之後同伴侶嘅相處就開始變得平淡簡單,大家之間火花亦都會減少。你以為咁樣就代表唔愛?其實有愛情專家指出情侶間「無聊」的相處模式比起驚喜不斷嘅關係會更加幸福,而這亦是維持長久關係的重要一項,可以好好享受情侶間無聊但大家互相陪伴的時光先最幸福。

平淡」才是長久戀愛的關鍵!從2 個故事學會分辨他是不是「對的人」 | VidaOrange 生活報橘

6.重視感情中的「儀式感」

只要有對方的陪伴,每天都可以是情人節!無論係大時大節/平時,用多啲心思tum下自己嘅伴侶可以令感情更加甜蜜蜜~愛情係需要雙向奔赴的,即便交往時間再耐,也唔好唔記得要間中精心打扮,同對方來場屬於兩人嘅浪漫約會;因為咁樣嘅約會,可以令你哋重拾熱戀時嘅甜蜜與激情。

維持長久戀愛的9個建議!找回安全感和自信甜蜜,在愛中成為更好的自己♡ | GirlStyle 台灣女生日常

Advertisements

 

6.雙方都要有自己嘅生活

戀愛中有適當嘅距離感其實都幾重要,當兩個人每日無時無刻都痴埋一齊嘅時候,只會令你哋嘅感情更快氧化,所以適時咁保持一啲距離,偶爾感受思念對方嘅心情,可以令你哋見到彼此嘅時候覺得更加快樂。對小編嚟講,最好嘅愛情莫過於彼此依賴又相互獨立。

北美戀愛取向:想談戀愛?放下你的不信任,學會讓獨立與愛情共存|讀者投書|換日線

ps.有好多人話愛係一種修行,希望大家都修煉到屬於自己嘅甜蜜~

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more