【大學新丁懶人包】大學同你想像的一樣嗎?入大學的4個迷思!

Queenie | 31/05/2022

DSE完咗,又有一班大學新丁準備入大學!記得小編入大學前都成日上網search一啲有關讀大學嘅迷思,因為要重新面對一個新環境,唔多唔少都會有啲恐懼嘅!所以今次呢個blog就同大家分享一下4個大學迷思,等大家都有個譜,冇咁心慌慌~


1.讀U易出pool?

玩Ocamp同住Hall的確好易出pool。三日兩夜嘅Ocamp男男女女一齊玩game,會好close,夜晚又會一大班人玩房game、開心事台,好快會變到好熟,培養到感情發展落去。所以Ocamp之後總會出咗幾pair情侶。住Hall就更加,尤其住喺男女混宿嘅地方,男男女女喺房玩game打牌飲酒,日見夜見,有心人想出pool其實唔難。不過講到尾,如果你好摺,唔係點social,出pool就唔係好關你事,性格影響你想唔想同人接觸同人地想唔想同你交流。如果遇到啱嘅人,戀愛的確可以擺脫枯燥嘅校園生活,不過如果為拍而拍,寧濫勿缺,就自己三思啦。

 

2.唔上莊識唔到人?

為咗識多啲人。無論係為對日後事業有幫助定係為友誼,上莊都可以幫你達到識人嘅目的。不過,你識到乜嘢人先至係最重要嘅問題。一大堆Hi-bye friend同你打招呼,多到連名都唔記得,咁只會令你覺得人同人之間更加假、更加疏離。另外,如果識到啲衰人(壞人就可以報警拉佢,衰人就要忍),做嘢卸膊,攞采攞威就走出嚟,咁識都無謂啦!好多人大學畢業時,都只得三兩知己,認真熟嘅朋友唔會多得去邊。假若上莊之後無晒時間同朋友傾心事,咁請小心嗰三兩知己都無埋。

Advertisements

3.入大學唔洗讀書?

成日聽人講「大學唔洗讀書㗎!」你以為大學真係唔洗讀書?咁你就錯啦!大學學嘅內容比中學更難掌握,而且上堂模式同中學唔同,一個教授對百幾個學生,你想問問題就更難!再加上冇教授會篤住你溫書做功課,全憑自己嘅努力同自律。冇理由咁辛苦升到大學,最後爛住gpa畢業㗎嘛!讀大學當然想玩,但係應該讀書嘅時候就讀書啦!

 

4.Hall life就係通頂喪玩?

其實好睇你住嘅嗰間hall嘅文化!小編遇過大多數住Hall嘅人都無三、四點唔會訓,玩到朝早先訓都好常見。有咩做呢?通常離不開打牌、睇戲、打機、打邊爐、煮飯仔,直落飲酒然後飲埋早茶,朝早訓覺,上陣堂或者走堂,夜晚再黎過,節目豐富啊!年輕嘅本錢就係時間多,呢段日子真係好青春,日夜顛倒的確係大學生寫照。當然亦有一啲hall係比較摺,如果你唔係想喪玩或者係一啲早訓嘅人就可以揀返一啲冇咁熱鬧嘅hall住。

 

大學將會係你人生其中一個最多姿多彩個一段時間,好好享受呢4年嘅時間,千祈唔好就咁hea咗佢就算啊!

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more