【同朋友一齊陷入案件中】劇本殺殺入香港,LARP究竟係咩?

Queenie | 28/11/2021

唔知你近排有冇成日聽人講過「劇本殺」呢個term?劇本殺係最近香港興起嘅其中一樣熱潮,亦有好多唔同主打玩劇本殺嘅樓上舖開張。究竟劇本殺係咩嚟㗎?Larp呢個term又係點解?今日呢個blog就為大家詳細介紹一下咩係「劇本殺」啦!

 

1.LARP的意思

「LARP」其實係「Live Action Role Play」嘅簡寫,中文就叫劇本殺。其實呢個遊戲仲有好多唔同嘅名,例如「真人角色扮演遊戲」或者「自由形式角色扮演」等。不過「LARP」同「劇本殺」已經成為最常用嘅名稱了。「LARP」呢個字亦都延伸出「Larping」同「Larper」呢兩個英文字,分別解作「玩劇本殺」同「玩劇本殺嘅參與者」。早前Viu TV播出嘅《嫌疑事件簿》就係LARP嘅一種。

2.遊戲內容

玩家會隨機或者被安排去飾演該劇本入面唔同嘅角色,然後根據劇情發展去推理、搵證據,還原返劇本中嘅人物關係、,最後搵出真相。玩家需要去扮演虛構人物,即興詮釋自己飾演嘅角色,講符合該角色嘅說話同動作,代入自己嘅角色。劇本殺通常係6-8人一齊玩,團隊中有好人同壞人角色,玩家要互相要抽絲剝繭還原劇情,同時要推理出邊個係嫌疑犯。有時仲會要玩家係一個設定好嘅案發現場中搜出重要證物/線索。整個遊戲時間通常要4-5小時。

Advertisements

3.種類

劇本殺嘅劇本有分好多唔同種類,有古風、靈異、浪漫、日式、恐怖等。如果再深入啲嘅話可以再細分為「本格」、「變格」。「本格」嘅意思指劇本係現實同正常邏輯下可以發生。而「變格」 嘅意思指劇本內容中包括穿越、科幻等,現實中唔可能存在的。再嚟有「封閉本」、「開放本」。「封閉本」嘅意思指劇本有它既定嘅流程,都係設定好的,就算你唔想殺某位玩家,佢都係要死,自由度相對較低。相反,「開放本」就係自由度度較高嘅劇本,你去到某個位可以揀你想要嘅選擇,而劇本就會有按照你揀嘅內容有不同嘅劇情、結果。

仲有好多唔同嘅種類,大家不妨自己上網睇下!

 

4.個人感受

小編最近就去咗玩我人生中第一次嘅劇本殺,第一次就玩咗個微恐怖嘅劇本叫《病嬌男孩的精分日記》,內容上就唔講咁多,廢事劇透。玩嘅時候有好多你意想不到嘅事,亦都有好多令你置身現場小劇場,有啲位有小小jump scare,都真係好真實下!真係想講個主持真係host得好好!有機會小編都會再去玩劇本殺!

 

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more