【假朋友斷捨離】真假朋友分不清,5個真心朋友個特徵! 

Queenie | 25/07/2022

究竟朋友嘅定義係咩?你可能會話「我有好多朋友,從來不缺!」咁如果我問你真心朋友又有幾多個?你有講到幾多個出嚟?其實大個咗先知,「真心朋友」就算唔係經常聯絡,但每次見面都可以一樣熟絡,感情都唔會變淡!想知道身邊嘅朋友係咪真心朋友?睇下佢有冇以下呢5嘅特徵你就知!

 

1.知我啲秘密但從來都唔會爆響口

識咗咁耐,一定會知道你啲秘密,佢可能知道你啲情史,佢有你最醜嘅相,有時男女朋友都唔知嘅秘密佢都好清楚!唔洗講「唔好講出去」,對方都唔會爆響口。

 

2.Dead air都唔尷尬

同唔熟嘅人一齊出街/食飯就最怕dead air。但係真心朋友就唔同啦,可以有傾唔完嘅話題,但係dead air嘅時候都唔覺得尷尬。真心朋友就係可以令你非常自在,唔需要時時刻刻都戰戰兢兢。

 

3.就算難聽嘅話都唔怕講,因為都係真心話

由細到大,身邊總有阿與奉承嘅朋友,淨係講啲好聽嘅說話。但係大個咗先發現,有人肯同你講真心話係一件難事。真心朋友就係幾難聽嘅話都唔怕講,只有佢講嘅真心話先可以點醒你!

 

Advertisements

 

4.能理解我的負面情緒

每個人都會有負面情緒,Ig上post出嚟嘅永遠都係好嘅一面,因為並唔係個個人都可以接收你嘅負面情緒。但係真心朋友就係可以體諒你,就算你係佢面前展露最脆弱嘅一面,佢都會聽、理解同陪你。

 

5.遇到困難第一個幫你

「有事鐘無艷,無事夏迎春」呢一句就可以體現到邊個係你嘅真心朋友!如果個朋友係佢有困難先搵你,冇事嘅時候連人形都唔見,可想而知呢個朋友有幾「真心」呢?又或者係聽到你有困難,但走都走唔切?真正嘅朋友係你有困難,佢一定係第一個主動幫忙,你都唔會覺得唔好意思,麻煩到人。因為當他需要幫助嘅時候,你都會咗一樣嘅事。

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more