【空姐小編解答】搭飛機最多人問既問題(一)

佛系空姐CC | 23/06/2020
搭飛機最多人問嘅問題

好想去旅行呀﹐疫情幾時先過呀? 既然未有得飛住﹐就等我依個現職佛系空姐CC同大家分享下番工比人問得最多既問題啦!

點解行李一定要收好唔可以放係個位度?

老老實實,依個問題一定好多人都問過,點解起飛降落個陣個袋一定要放係前面櫈底或者放上行李架姐?好細件咋嘛,我攬住佢唔得既咩?明明都冇阻到人!係咪好費解點解空姐點都要逼你收好佢呢?依家就等小編解答你啦,其實因為空中服務員要確保起飛同降落既時候所有逃生通道都要無任何阻礙物,因為有起咩事上黎要走佬,你地既袋就會成為左障礙物阻住左條通度嫁啦!係機上逃生真係爭分奪秒,最理想既時間係90秒內要疏散哂機上所有乘客,所以下次大家係飛機起飛降落既時侯記得乖乖地放好你地既個人行李啦。

點解扣上安全帶燈號亮起既時候唔可以去洗手間?

喂呀~我好急呀,我要去廁所!點解個安全帶燈號著咁耐嫁,好煩呀,空姐又叫我坐番埋位!拿拿拿,其實依個燈號著左係因為起飛降落或者係遇到氣流,姐係代表飛機飛行緊既時候唔係處於一個平穩既狀態,會大大增加你受傷既風險, 而且洗手間內又冇任何安全帶所以真係好危險嫁。 不過,如果你真係堅持要去,其實空中服務員係唔會阻止你既,但係後果就要自負啦,所以大家忍一忍啦~

Advertisements

點解食飯成日都冇得揀Choice?

點解D飛機餐咁難食嫁?有時派到去我個位得番D意粉咋!其實大家上左機之後既味覺係會同平時唔一樣嫁,所以飛機餐既調味多數都會重手小小,所以食開淡口味既客人可能就會覺得太咸啦,不過其實大多數航空公司都會有唔同既特別餐比乘客揀,如果你想食淡味D,或者對食有其他要求(例如:素食者/兒童餐等),都可以提前上航空公司既網站訂購嫁!

另外,每班機既Choice都有指定既數量比例,例如個日既飯/意粉比較多客人選擇,咁坐得比較後既你就可能要犧牲了…唯有下次揀坐前D啦!

黎近我將會繼續同大家大談航空界大家如果對依個Topic有興趣既話記得留意住依個blog啦

延伸閱讀:

【使命必達】FedEx – Marketing Solution Development Intern (2 Months)

【設計同學要注意啦】Topologie – Multimedia Design Intern

【網絡安全】5款VPN簡評

【我要將你掙扎】健身健心黃色經濟圈 Fitness club推介

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費
Load more