【逆市賺錢】其實步兵好唔好做?

Marcus Lee | 15/09/2020
【逆市賺錢】其實步兵好唔好做?
而家多咗人叫外賣令「外賣兵」需求大增。如果你因為疫情又冇工返又冇街出日日喺屋企做廢青,係咪同小編一樣都諗過做外賣步兵呢~ 但其實步兵好唔好做?以下就同大家分析下現時三間主要外賣平台Deliveroo、Foodpanda同UberEats嘅外賣兵待遇!!

 

首先講講申請做「外賣兵」嘅條件。

Deliveroo:年滿18歲、合法在港工作且擁有一部iPone IOS 11.0或Android 6.0或更新型號嘅智能手機即可。如果有一部電單車或單車及其安全裝備就可以做車手或單車手。

Foodpanda:年滿16歲、合法在港工作且擁有一部iPhone IOS 10.0或Android 5.0或更新型號嘅智能手機即可,有埋部單車同安全裝備仲可以做單車手!(當然,如果要做車手就要滿18歲且有車牌同車啦~)

UberEats:年滿18歲、持有有效香港身分證就可以加入。如果想做車手就需要3號牌(第 3 號車輛類別代號執照資格)同埋車輛嘅登記同保險文件就可以喇~

 

咁可以點apply呢?其實三間都好方便,全部網上搞掂。

UberEats最簡單,只需要上網登記、填寫所需資料、遞交指定文件,等候幾日審批之後填妥埋銀行資料就可以拎保溫袋開始送餐!DeliverooFoodpanda都需要喺網上填完表後interview,並於當日提交所需文件。之後出席有關簡介會或培訓然後領取裝備(制服同保溫袋等)就可以開始~

 

到大家最關心嘅人工啦,咁三件嘅計法都有啲唔同,以下就羅列晒出嚟~

Deliveroo:可以揀「時薪加送餐費」或「以距離計」兩個方式。「時薪加送餐費」嘅電單車手時薪$55再加$20送餐費、步兵或單車手就$40時薪再加$15送餐費;「以距離計」嘅電單車手就每單最少$50人工、步兵或單車手就每單最少$35人工。所有小費都係外賣兵自己袋落袋,另外仲有啲特別情況嘅bonus。

Foodpanda:一律計時薪同送餐費,電單車手$75時薪加每單$15;步兵或單車手則$40時薪再加每單$15。所有「貼士」都係外賣兵自己落袋。

UberEats:佢哋計法有啲複雜,大概來說步兵或單車手每單收$25至$40;車手每單$50至$70。佢哋設有「路路賞」(即在指定地點,時間內完成不同程數, 即可獲得定額獎金)、「單車手/步兵獎金」(即分取餐費、路程費、交餐費來計薪,以及額外加乘獎金)同其他獎金等嘅bonus。

詳情可以再去各個官網參詳下,再判斷下做唔做得過。不過點都好,呢排疫情嚴重,各位都要保護好自己啊!

參考資料:DeliverooFoodpandaUberEats

Advertisements

延伸閱讀:

【外賣app優惠整合】優惠碼&信用卡優惠 ( lingduck/ UberEats/ Deliveroo/ Foodpanda/ e肚仔/ Openrice)

【2020 性價比高】5間Staycation酒店推介

【留定走?】5個升學移民地點推介+懶人包

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more