【空姐小編大控訴】乘客最乞人憎既行為 (二)

佛系空姐CC | 24/08/2020
【空姐小編大控訴】乘客最乞人憎既行為 (二)

話咁快又黎到乘客最乞人憎既行為(二)啦,上次篇(一)你地中左幾多個?快d睇埋落去睇下今次仲有冇你份!

 

1. 幫我搬行李

喂喂空姐,我個喼好重呀,我唔夠高呀,幫我放上去啦。親愛既乘客~你懂得自己行李自己搬這個道理嗎?幫你搬完如果我地整傷左,工傷係唔包嫁,所以公司係無指引要我地幫客搬,除左有特別需要既乘客,例如係孕婦、老人家等等,同埋呀如果真係重到連你地都抬唔起個喼,我地都唔會夠力嫁,做空姐冇特異功能嫁,我地又唔係舉重選手!

2. 你講咩話?

知道大家係飛機度悶悶地都係會睇戲,所以投入到我地派餐比你問你食咩既時候都唔記得除低headphone係咪呢,搞到平均一條問題要問3次先會聽到!每次都好似對牛彈琴咁,好嬲呀!下次唔該派緊餐問你想食咩既時候,想食野既話就同我除低你個耳機呀!

Advertisements

3. 我等左好耐啦

有時你地都會好鍾意叫d我地餐車上面冇既野,例如係無啦啦要杯熱水呀,熱咖啡之類,咁都唔緊要既我地都好樂意去斟比你,但首先你要明白我地人手係得咁多,派派下餐冇得無啦啦走番入去斟比你嫁嘛,係要等咁耐嫁啦,唔好催我地啦!我仲有十幾廿行既客未派呀! 

4. 係廁所沖涼

唔知點解有d客係可以每次用完個廁所,入面都係濕到好似沖涼咁,最難頂係飛長途機遇到依d人,大佬呀程機要飛十幾個鐘,你估依度你屋企呀,人地唔洗用呀?整濕左唔該你自己抹番啦,咁大個仲要人教你?

 

大家睇完依兩集,下次飛既時候記住要做一個有品既乘客,咁就大家都happy啦!

延伸閱讀:

【信用卡優惠】睇戲熱潮 百老匯/UA戲院信用卡優惠

【Apple教育優惠】買Macbook/iPad送AirPods

【戲院終於開返】6套必睇好戲/UA新會員優惠

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費
Load more