【空姐小編大控訴】乘客最乞人憎既行為 (一)

佛系空姐CC | 12/08/2020

話說小編本來諗住寫個5個乘客最乞人憎既行為排行榜,咁就收集下d空姐朋友意見啦,點知問完唔夠2秒d msg就開始炸到停唔到,仲要全部都好乞人憎!所以決定要寫哂出黎,睇下你地中左幾多個!

1. 將餐盤既兜疊埋一齊

唔知平時大家有冇見到空姐係點樣收番你個餐盤呢,其實我地架餐車係得有限既空間既,只要個餐盤唔係平,我地就會塞唔入個餐盤,咁依個時候既空姐就會好燥底,心諗你係咪玩@#%&︿%呀姐我呀?有時如果係短途機,我地真係要同時間競賽嫁,所以大家以後搭飛機要識做,我地點樣派比你,你就點樣比番我地啦!please~~

2. 永不熄滅既Call light

Hello?may I help you?想要杯水?okok,然後唔夠兩秒又叮,想要多杯橙汁,然後過多兩秒隔離位又叮,又想要九千幾樣野…其實呢,大家可以將你地既願望一次過同我地講,等我地唔洗來回咁多次都好呀嗚嗚

3. 派緊/收緊餐要去廁所

唔知大家係咪見到餐車出動既時候就會特別想去廁所,但係大家都見到走廊有幾窄嫁啦,每次我地要讓條路比你地行,都要推走架二百幾磅既餐車走,都咪話唔攰!重點係你去完廁所我地又要讓番條路比你番埋位…諗起都燥燥地

4. 食杯麵

見到杯麵依兩隻字,係咪心諗乜機上面有杯麵既咩?無錯,平時短途機係冇既,但長途機飛十個鐘以上既就有啦,點解食杯麵咁乞人憎?因為香囉!本身大家都熟睡中,就係因為你嗌左個香噴噴既杯麵搞到隔離左右都醒哂,跟住就會開始repeat永不熄滅既Call light,表演全機齊齊食杯麵,不過如果你地真係好肚餓咁都理解既,但最怕有d人係派緊餐個陣又唔食,見你一收餐又最你拎杯麵,依個真係乞人憎指數爆哂登!

Advertisements

 

要控訴既事實在係太多啦,一篇真係講唔哂,記住留意埋第二集呀!

 

延伸閱讀:

【空姐小編講你知】航空界之靈界既朋友

【空姐小編講你知】航空界同事先會明既Terms?

【空姐小編講你知】空中服務員之你看不到的工作範圍

 

 

 

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費
Load more