【拉埋天窗】有舊、有新、有借、有藍 結婚要集齊四樣先至幸福?

Winna | 02/12/2021

由18世紀開始,英國就流傳一個民間傳統,就係新娘係結婚當日要準備「舊的東西、新的東西、借來的東西、藍色的東西(something old, something new, something borrowed, something blue)」著係身上面,寓意一對新人將會擁有一段幸福美滿嘅婚姻。

舊的東西(something old)

舊物品係象徵新娘過去同屋企人嘅生活,亦係一種家族精神嘅傳承,而且祝福小朋友未來可以健康出世。新娘可以自己揀選一樣為佢留低美好回憶嘅物品,而首飾係最典型嘅選擇。

新的東西(something new)

新物品係代表一對新人步入人生新階段,亦代表親朋戚友嘅祝福,希望新郎新娘會有美好嘅未來。例如婚紗、戒指、花球都已經係㗎啦。

借來的東西 (something borrowed)

新娘要向婚姻美滿嘅人借一件物品,除咗係意指可以從佢身上借一點幸福之外,仲可以提醒新娘無論有啲咩事,都仲有人係身邊。仲有一個特別嘅講法,就係如果呢件借嚟嘅物件,亦都曾經係婚禮上面用過的話,會被認為係額外嘅幸運呢。

Advertisements

藍色的東西(something blue)

藍色係古羅馬係代表純潔同忠貞嘅愛,而且都有人認為係可以抵抗「不孕」呢種負面字眼。但因為依家嘅禮服都係多以白色為主,所以如果想加啲藍色,花球或者頭飾上面加啲藍色都係一個好選擇嚟㗎。

而呢個習俗,有舊、有新、有借、有藍,都係希望新人勿忘過去,展望未來。

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more