搵工Guide

【唔做水魚】5個你要知道嘅求職陷阱

搵工路上,大家有無中過伏呢?小編就有中過伏,做過水魚,依家話你知5個求職陷阱,唔好重蹈小編覆轍啊!!

 

1)個人資料透露

有啲公司招聘時就會要求申請人提供埋重要且敏感嘅個人私隱,例如銀行户口號碼、信用卡號碼。甚至有啲其實係假招聘,一心只想呃你上去interview時套你個人資料,從而騙取金錢。普遍公司只會喺你通過interview之後,正式請你嘅時候先會要求出示呢啲資料證明。如果覺得可疑,要考慮要求是咪合理,可以嘗試拒絕。對來歷不明嘅招聘廣告要提高警覺,保護個人私隱。

 

Advertisements

 

2)低要求高人工

唔好咁多幻想,天下間邊有咁多荀工,仲要睇中你?呢啲所謂「荀工」無學歷、工作經驗要求,但人工又幾理想,時薪幾百蚊。仲分分鐘唔洗見工,肯apply就即刻有得開工。以小編所知嘅有運水貨去大陸、賣冒牌貨等等,如果涉及非法勾當或者觸及法例,後果可大可小,唔好因小失大,貪方便搵快錢招麻煩。建議睇清楚工作有無問題,了解咗背景先好apply。

 

3)過份簡單工作

相信大家都係Facebook嘅搵工平台見唔少「在家打字」嘅工作,其實有唔對勁!

第一,呢啲工作係要你將圖片內文字,打返出黎。所要求嘅技能相當簡單同輕鬆,依家有技術可以快速將有文字嘅圖片轉做文字檔案,而電話語音輸入都可以完成到呢份工作,真係有咁大隻蛤乸隨街跳?天下間有咁荀嘅工大概無窮人了。

第二,工作強調無地區限制,用Wechat同你聯絡,聯絡人用語字眼唔似本地人,甚至打簡體字,分分鐘其實幫緊內地人打工。再者,出糧問題,如果真係幫緊內地工作嘅話,户口轉帳方面又係點呢?

 

4)直銷工作或層壓式推銷

有啲直銷公司會極力游說人買貨,加入直銷行列,之後要求員工借超過十萬元入貨、強逼員工透露朋友個人資料、比錢報讀課程,騙取金錢。

而層壓式推銷係指參加者須要負擔好高昂嘅參加費用,透過「拉人頭」方式以賺取利潤,而唔會好著重產品銷售。貨品往往較市面昂貴,再而招攬人入會做下線員工,去賺利潤。千祈唔好見到高薪厚職就一時被迷惑,最好上網check吓公司過往有無不良嘅新聞。

 

Advertisements

 

5)貼錢工作

如上面所講,有啲公司會未返工先要你比錢。以各種理由同藉口徵收唔合理嘅費用,例如行政費、保證金、試鏡費、推薦金等,或者要求你比錢報讀訓練班、課程。遇到喺工作前就要先付費嘅工作真係要小心,正路公司不會要求求職者貼錢工作,大家遇到呢啲招聘要認真考慮。

 

總結黎講,呢個世界有好人亦有壞人,所以要帶眼識人,求職時抱住理性冷靜嘅思考。一分耕耘,一分收穫,踏實啲,唔好心急搵快錢而招致損失。
祝福大家新一年都搵到荀工!

延伸閱讀:

【Last day留低好印象!】Intern散水餅推介

【女同學見工衣著指南】見工手袋都有好多花款!

面試小貼士之自我介紹

Group Interview中面試官的要求和心理

  ufinance-blog-promotion-img-July-2019
👉同學仔只要係早上申請☀,最快可以係下午🌅就拎到錢💰
👉申請只需要回答8⃣條問題➕2⃣份文件即可,6⃣0⃣秒完成申請😇
👉同學仔文件交齊📄,90%機會申請獲批✅
👉提早還款唔會收同學仔任何手續費或罰息
👉整個申請到還款過程 uFinance 不會收取同學任何手續費
 

Tags: , , ,

ufinance-whatsapp-icon