校園Guide

【台南5天慢活之旅】出走是為了遠離煩囂

去旅行無非都係想遠離日常生活嘅煩囂,放低平日嘅重擔同忙碌,放鬆吓自己,充一充電。

依家平平地千零蚊就可以去個台灣旅行,不過黎黎去去都係台北、高雄,有無啲新意啊?台南未嘗唔係一個好選擇。

 

Day 1

台南市人煙稀少,相比起台北,台南街上路人唔多,遊客更加少,完全唔洗同人逼,好舒服,真正「離時代遠遠,沒人間煙火」。喺餐廳、Cafe慢慢坐都唔會比人催,最適合慢活不過。

Day 2

台南文化藝術氣息濃厚,市區以外,有好多老街、文創藝術區、精品店,個人都好似有氣質啲。神農街掛滿燈籠加上古色古香嘅建築,別有一番風味,遺留唔少日治時期嘅建築史跡;安平古堡記載台南嘅歷史,見證府城嘅興衰,唔講唔知原來荷蘭統治過。

【台南5天慢活之旅】出走是為了遠離煩囂2【台南5天慢活之旅】出走是為了遠離煩囂3

Advertisements

Day 3

去旅行無理由淨係留喺市區,離開石屎森林,去到户外欣賞吓風景,又可以打卡影靚相,留低美好回憶。唔少旅遊户外景點,入到去好似去咗第二個世界咁,因為真係好大好寬廣。台江國家公園係IG熱點,有海,有幾棟白色建築,成個畫面好靚。仲有七股鹽山,大約行三、四十級樓梯就上到頂,沿路真係有鹽架,上到去可以睇到園區風景,影相出黎嘅效果都幾似雪山。

【台南5天慢活之旅】出走是為了遠離煩囂4【台南5天慢活之旅】出走是為了遠離煩囂5

Day 4

你以為台南無得shopping?其實同樣有好多百貨公司同手信店。林百貨相信大家都耳熟能詳,共有六層,賣食品、茶飲、工藝品、生活用品等,佢仲係一個古蹟,建築外牆保留咗歷史嘅原貌。台南每一條巷都有好多小店,大部份都又平又好食。夜市方面,出名嘅有武聖夜市同花園夜市。夜市係一個大操場嘅規模,空間唔狹窄,有多種類小食,都不缺攤位遊戲。

【台南5天慢活之旅】出走是為了遠離煩囂6【台南5天慢活之旅】出走是為了遠離煩囂8

Advertisements

Day 5

台南高鐵站附近嘅奇美博物館,佔地寬廣,建築外形宏偉又典雅,富有西方韻味。入面有唔同展覽,例如有樂器、動物、兵器等。不過留意返,館內係不准拍攝架。

【台南5天慢活之旅】出走是為了遠離煩囂7

總括黎講,台南係一個近近地又慢活寫意嘅好去處,下次出走又多個選擇啦。

 

延伸閱讀:

【大學生荀工】9-12月功課輔導班導師(薪酬:$80-100/小時 )

【Media人請入】香港電台兼職節目助理-時薪$74 (05/08/2019截止)

【PR/Marketing 實習機會】秋季 KPMG 實習 – Market Services (Event Team)

  ufinance-blog-promotion-img-July-2019
👉同學仔只要係早上申請☀,最快可以係下午🌅就拎到錢💰
👉申請只需要回答8⃣條問題➕2⃣份文件即可,6⃣0⃣秒完成申請😇
👉同學仔文件交齊📄,90%機會申請獲批✅
👉提早還款唔會收同學仔任何手續費或罰息
👉整個申請到還款過程 uFinance 不會收取同學任何手續費
 

Tags: , ,