校園Guide

【召喚吾城人】城大頹食精選

作為大學生,平時返學、返工、上莊、趕deadline、上八半⋯⋯濕濕碎碎幾十萬樣嘢做日子已經過得好忙好苦好大壓力,如果連食都食唔好你話做大學生仲有咩意思、人生仲有咩寄託?!

可惜偏偏大學canteen就係出名質素麻麻,今次小編就要召集所有城大人的面孔,由食嘅角度黎引起大家共鳴。

1. 校園

City canteen就分AC 1、2、3嘅,質素同價錢亦係descending咁分:AC 1是為最平,AC 3最貴,而當然質素與價錢成正比。好唔好食呢啲嘢呢就見人見智,唯一比其他U好嘅係,City Can應該唔算一面倒嘅負評,話哂《杜汶澤喱騷》都曾經吹奏過City嘅Canteen。

呢三個can應該平時都聽人講得多,無需小編我係度執人口水尾。不過,唯一仲可以多講嘅應該係AC 1個間Starbucks,事關間Starbucks入面啲嘢飲就好似披著羊皮嘅狼,每次你飲落口嘅時候佢都會現返真身,然後灰狼一般狠狠破壞你嘅味蕾,提醒作為消費者嘅你俾呢個價錢就唔好expect starbucks質素嘅事實。

另外,宜加新開嘅subway都係各位對食有少少要求嘅朋友會去嘅選擇,無可否認,subway的確會係大學canteen中嘅清泉。

 

2. White Zone

傳說中嘅white zone就係又一城,food court呢啲唔洗多講,譚記、吉記、大家樂任君選擇。值得一講嘅係Ciao Chow同八月花,一大班人有時唔知食咩嘅時後都可以一試,成班人share又唔算貴,感覺新鮮得黎加點high class,總好過次次品香樓。

 

3. 南山邨

是說南山就係city人的家,當中嘅品香樓就一定係每個城市人開sem飯一定去過嘅地方。雖然每個人點都會聽過品香衞生有問題嘅都市傳聞,但係去到開sem飯呢啲時節就無人會再care。始終嗰度夠哂地,飲大兩杯大聲咗少少講嘢都唔會有人側目。食完飯去埋上一層個「公廁位」影張文青相po上ig,咁個開sem飯就食得完滿啦。

大學生,無非都係想唔太貴食餐飯俾自己健健康康咁每日過住日夜顛倒嘅生活。作為城大人,或許的確可以為自己每日食飯都有選擇而高興。

 

延伸閱讀:

【銀行Intern】中銀 2019暑期實習生計劃 (超過10個職位空缺等你apply)

[係intern啊飛雲] 恒生銀行2019暑期實習生計劃 (9個department 俾你簡)

【Asso仔,共勉之】- 「好少事啫大學學位。入到唔代表啲乜,入唔到都唔代表啲乜」

學費貸款】急住交學費? 大專生專享 即日過數學費貸款

大專生專享 – 5折清卡數

  ufinance-blog-promotion-img-Dec-2018
👉同學仔只要係早上申請☀,最快可以係下午🌅就拎到錢💰
👉申請只需要回答8⃣條問題➕2⃣份文件即可,6⃣0⃣秒完成申請😇
👉同學仔文件交齊📄,90%機會申請獲批✅
👉提早還款唔會收同學仔任何手續費或罰息
👉整個申請到還款過程 uFinance 不會收取同學任何手續費
 

Tags: ,