【Asso仔,共勉之】- 「好少事啫大學學位。入到唔代表啲乜,入唔到都唔代表啲乜」

Joe Yam | 19/02/2019
【Asso仔,共勉之】- 「好少事啫大學學位。入到唔代表啲乜,入唔到都唔代表啲乜」
又到新年時節,每年要見姨媽姑爹都覺得好似茶道文化一期一會咁,見完今次下次幾時見真係話唔埋,唯一唔同嘅應該只係古代日本人唔係為咗利是。我每年,係每年,都只係想快快趣趣賺咗佢封利是,循例答吓啲必答題,就死返埋一二邊督吓電話、玩吓呀三姨婆個契仔個舅父嗰個先四歲、仲未知世間險惡嘅細囡,然後等時辰到就閃出去同班frd行年宵。

啱啱dse完無耐,內心都大概知姨媽姑姐們必問升學路向。瞇埋眼已經諗到佢哋用把海豚音般嘅高頻超聲波加上堪比係對面海嗌過黎嘅聲量,「喂,呀陳仔,今年dse完咗有咩搞作先。」
「errr asso咋」
曾經幻想過自己可以輕描淡寫咁覆一句「無,kongu啫」,可惜現實就係未如人意,dse炒咗就係炒咗,成為asso仔都已成定局。世上比放榜更難受嘅嘢,就係要同姨媽姑姐交待,仲要一個唔該,稍不為意就俾佢搵到位入,同佢嗰個英國讀Law嘅寶貝仔比較。

由幾時開始上大學變成成功嘅指標,Asso仔就過街老鼠一般。縱然自己有時都笑稱自己係「後門狗」,縱然自己都唔相信區區公開試就可以定義自己嘅能力,但係通街都係大學生嘅年代,自己就好似要躋身大學生嘅行列先可以係社會站得住腳。
「哦,幾好啊。」姨婆個契仔個舅父點頭講一句。咦?吓?唔係大學生喎,無嗱?唔潤我嘅?
「好少事啫大學學位。入到唔代表啲乜,入唔到都唔代表啲乜」
.
.
.
的確,陳仔諗返當年入唔到大學個天好似冧咗咁,不斷懷疑自己能力,就好似入到大學先可以證明到自己不比別人差。但係宜加作為一個就grad嘅人,佢有停止過懷疑自己能力咩?無。

大學,對佢黎講只係一個啟蒙嘅契機,話俾佢知個世界有幾大,知識可以有幾無盡。
望住身邊有啲無學位嘅人創業,有啲有學位嘅人頹廢。
試問大學學位,能說明一個人些什麼呢?
文末寄語一句,未interview嘅non-ju人,加油啦。平常心,就可以。
 

延伸閱讀:

【銀行Intern】新加坡UOB 2019暑期實習生計劃 (17/3/2019截止)
【升學/Non-jupas】Interview五大貼士-下

學費貸款】急住交學費? 大專生專享 即日過數學費貸款

大專生專享 – 5折清卡數

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more