大專生理財101

新手必學 股票用語(1)

打開股票分析網站,發現全部都睇唔明?其實當你分析應該買邊隻股票嘅時候,有幾個用詞係一定要知嘅,依家同大家逐點擊破!

 

最重要! 最重要! 最重要!一定要知嘅就係市盈率!

  1. 市盈率(Price-to-Earning Ratio,P/E)

→ 市盈率 =股價/每股盈利

以股票現價除以每股盈利黎計,所以係會隨住市價而不停變動。以建設銀行市盈率7.620倍為例,就係以收市價$7.79,除以每股盈利$1.022計算出黎。

理論上,市盈率可以反映投資回本期,例如市盈率係5倍,假設每股盈利不變,即係投資者要持股5年先可以回本。實際上當然只作參考,因為隨住市價同每年盈利變化,回本期長短會縮短或延長。

一般黎講,市盈率可作為股價平貴嘅參考,數字愈低愈抵買,但單睇個別股票嘅市盈率唔可以作準。一定要同同一行業嘅股票比較,好似其他銀行都係20倍,建行7.620倍可以話係比較平,同時都要同其他行業股票比較,即使係同行中偏低,但比起其他行業嘅市盈率都貴,即係可能反映銀行板塊已升得太多。

市盈率高代表估值偏貴,適合沽出或不宜吸納,但切記呢啲只係for參考。有時,市盈率低可能反映公司前景黯淡;相反,市盈率高可能反映公司前景向好。

 

  1. 市值  (Market Value)

→ 市值=收市價(或最近一次成交價) X 公司已發行股份

指一間上市公司係市場上嘅「市場價格總值」。 一般會以公司係市場上嘅收市價格作為計算基礎,乘以已發行嘅股份總數,而得出嘅市場價格總值。數字會隨股價升降而變動,而市值嘅升降,亦反映投資市場嘅買賣氣氛,同公司嘅估值。

 

  1. 每股盈利(Earnings Per Share,EPS)

→ EPS=盈利/流通在外股數

每股盈利係指普通股股東每持有一股所能享有嘅公司淨利潤或虧損,一睇就知道公司係有咪有錢賺。簡單黎講,當然EPS愈高係愈賺錢,但實際買賣股票時,仲要配合其他市盈率同派息比率等指標黎判別一隻股票有咪抵買。

待續。。。

新手必學 – 股票用語(2)

  ufinance-cover-pic
每貸款金額$10,000,平均每月利息為$84 (最高申請金額$100,000)
只需身份證學生證即可完成批核!

提早還款絕無罰息或手續費

Advertisements