大專生理財101

Grant Loan 第一回

第一年搞 Grant Loan,覺得好麻煩,唔知點搞,又唔知要咩文件,又唔知點填,文件補完又再補,終於批左。經此一役之後,我認真想過個 workflow,發現有小小技巧可以幫助到之後每一年申請,Grant Loan 都可以好簡單 ????

首先只要養好個習慣 – 儲好D文件,keep 返D收入證明。
秘訣就係用 Spreadsheet 先集齊需要的資料,然後每年update 一次,最後就係搬字過字。

第一版儲低一D不變嘅資料,好似家中各人姓名、身份證號碼、出生年月日、地址咁,每年申請呢D資料都唔會改變。

第二版開始就填每個家庭成員嘅財務狀況,特別係收入同資產。每年四月開始計起,到下一年的三月為止。每一個家庭成員開一張sheet。

計收入記得要填該月賺取嘅收入,唔一定係你該月收到嘅金額,例如: 你三月返工賺返黎嘅$5,000收入, 一般會係四月頭出現係銀行戶口,但呢$5,000收入其實要mark係三月,而唔係計落四月。

另外,身份證丶學生證唔怕影印多幾份,有現金價值的保險單可以掃瞄返入電腦,閒時銀行月結單就用一個筒儲好。

最後就係搬字過紙,網上填form時將Spreadsheet入面的資料copy and paste返去個web form入面就大功告成!

最後,呢份Spreadsheet 包含左好多個人資料,記得要加返個密碼保障自己。


▼大學生理財平台: https://ufinance.co/

身為大學生,我們明白大學時期有許多難得的機會:出國交流、義工計劃或者一次背包畢業旅行,但不少追求財務獨立的同學可能會因經濟問題,被逼放棄這些人生寶貴經驗。uFinance是大學生的財務支援平台,在大學生最需要的時候,解決一時的經濟難關,幫你實現夢想。

Advertisements

Tags: , , ,