校園Guide

去旅行人生路不熟，唔想比語言同交通破壞旅遊行程同心情，其實有D APPs 可以幫助到係去玩嘅時候更方便㗎！依家同你盤點一吓去唔同地方時嘅好用APPs啦！

泰國

泰國呢幾年多咗好多打卡Cafe同文創時尚品牌，除咗多咗嘢買買買外，最啱去一路享受按摩再一路飲杯凍冰冰嘅泰奶，服去泰國玩最怕係雞同鴨講，雖然行開泰國大商場嘅話都會發現依家多咗Sales識講英文同普通話，但去親夜市、接摩或call 車都依然出現雞同鴨講嘅情況，所以有一個好嘅翻譯App，親可以幫你喺泰國嘅呢段旅程玩得更順利！

由泰國旅遊局開發的翻譯app「Speak Thai」，結合多款在旅遊中會遇到的情境模式，作不同的實用會話翻譯。用家可按14款主題旅行常見嘅實用主題，例如交通、酒店等，或直接以關鍵字搜尋到適合嘅會話，方便與當地人溝通。

去泰國曼谷旅行，最常用嘅交通工具，就當然係BTS架空列車，但BTS嘅泰文站名同路線成日睇到人眼都暈埋！面呢個交通路線規劃App Transit TH幫到你，介面設計易用清晰，只要輸入起點站及終點，就可以清楚例明地鐵或巴士嘅票價、乘坐所需時間、等待時間等實用資訊，出門一家要down呢個App旁身。

喺泰國路多人用Uber ，反而比較興用呢個有「東南亞版Uber」之稱的Grab，Grab係泰國最大型嘅call車平台，無論曼谷、芭堤雅、布吉島、清邁等地都用到，特別之處係除咗私家車而外，仲可以揀埋電單車。付款方式亦不規限於信用卡，可透過現金支付車資。

Grab提供幾款不同嘅車款，倒如GrabCar為一口價叫車，乘客清楚知道全程車費，不怕司機繞路；GrabCar Plus或GrabXL提供較豪華房車，車費亦相對貴啲。若想call一般的士，都可以選擇GrabTaxi以跳錶計算，但遇上塞車時段車費就會比預計貴啦。

台灣

每過一段時間就會好掛住台灣嘅牛肉麵同芒果冰等等，去台灣旅遊其實同喺香港差唔多，溝通上都冇太大嘅問題，即使你用唔咸唔淡嘅普通話對答，台灣人都聽得明，咁有冇啲咩新App 可以用呢？

最近LINE終於出咗叫車功能App叫LINE TAXI，除咗用Uber 外，依家可以多個選擇啦！LINE TAXI 其中一個最特別嘅功能係T Reward，可以累積T里程，每次使用 LINE TAXI 叫車並完成車資付款，即可累積一趟，T里程最高可以代替支付$100車資，姐係愈搭得多就可以平住搭，下次去台灣都不妨試吓啦！

 

 

唔講都唔知，原來依家OpenRice，除咗可以訂香港嘅餐廳之外仲可以訂埋東南亞城區嘅餐廳啊！依家仲做緊抽獎，有機會可以再飛一程！

 

日本

依家有得飛梗係要飛去日本先啦！！但日本近期少咗人識英文中文，有個翻譯App喺手，就算聽唔明都搞得掂！

VoiceTra係一款主打語音翻譯嘅應用程式，Apple Store評分高達4.6分，亦支持超過30個語種，包括日語、英語、繁體中文、韓語、泰語等。

只需選擇所需語言，然後按下畫面中央嘅咪高峰標誌並靠近講嘢就可以翻釋到對話啦！

但要留意，目前系統提供繁體中文版本，需要以書面語中文輸入語音內容，如「洗手間在哪裡？」、「這個多少錢？」等，系統就會翻譯出對應日文。撇開語言限制，系統嘅問語音輸入相當靈活，而且準確度亦頗高，不過就唔可以翻譯過長嘅句子，使用時要留意啦。

日本的士收費偏貴，但每當 Shopping 到滿手戰利品，或者需前往嘅景點更偏遠，都不免想跳上的士舒舒服服咁到達下個目的地。要知道 Call 車 app 如 Uber、Grab 喺日本並不流行，所以部分日本人都使用 Japan Taxi 叫車，適用於日本全國 47 個都道府縣之餘，用法同 uber 差唔多，只要輸入乘車地、目的地就可以即時叫車，輕鬆解決同日本司機溝通嘅語言問題。確認 Call 車之後，另外「料金檢索」功能，可以比你喺上車前估算該程車嘅車資，就唔怕「勾畢」啦！