【新年新開始】 2020年要開始修行的4個習慣！
新年新開始！無論2019年有幾差，都係時候放眼未來，為2020年嘅自己規劃更加好嘅生活。如果你仲未諗好新一年有咩目標，可以參考吓小編列出嘅4個目標，大家一齊努力！
-
1. 支持減廢生活
「走飲筒」措施可以話係減塑教育嘅里程碑。小編身邊好多朋友開始習慣自備飲管，甚至開始選用可重用嘅生活用品。雖然購買環保產品嘅成本會高好多，但係長遠嚟講需要付出嘅環境成本就低好多！
要實踐環保生活，大家可以由消費模式著手。你可以去幫襯唔同環保概念店，了解吓綠色工業嘅發展現況。
南豐紗廠 – Primary
Primary售賣各種推廣永續生活嘅美容產品同生活用品，由可清洗重用卸妝棉到聖誕裝飾都買得到，店員仲會為你介紹唔同產品嘅特色。如果你係環保新手的話，不妨去嗰度兜個圈呀。
Primary
地址：南豐紗廠105號舖
營業時間：一至日 12:00 – 19:00
Slowood
Slowood係位於堅尼地城嘅裸買概念店。大家可以攞屋企嘅容器去買生活用品，例如洗頭水、麥片同果仁等等。價錢係根據重量計算，用幾多就買幾多，唔會擺到過期，浪費資源。
Slowood
地址：堅尼地城爹核士街11號浚峰地下1-3號舖
營業時間：星期一至日 10am-11pm
-
2.養成閱讀習慣
2019年嘅香港烽火瀰漫，相信大家都體會到一定要多讀多思考，先可以喺亂世中保持理性，同持唔同聲音嘅人周旋。你可以寫低自己嘅Reading List，記低自己想睇嘅書同埋讀後感，相信一年之後，你會成為更deep更champ嘅人。
-
3. 積極關注社區事務
短時間內，相信我哋都好難打破制度框架嘅約束。既然我哋已經掌握咗社區話語權，當然要多啲參與社區事務。最簡單嘅行動就係監察區議員嘅工作，發起討論，同埋透過現有平台提出意見。你甚至可以自發組織社區活動，等大家都學會欣賞自己嘅社區。
4. 嘗試儲多啲錢
後生仔當然會想多啲同朋友出去玩，不過玩得多又好容易會做月光族，今年你又儲到幾多錢？如果今年仲係入不敷支，係時候要儲多啲錢，為未來積穀防饑喇。
你可以download啲有趣嘅理財app，掌握自己嘅消費習慣，再檢討吓邊方面可以慳錢：
Fortune City將建設城市同記帳合二為一，理財都可以變得冇咁悶啦！(Android下載/ iOS下載)
進階版嘅選手都可以參考我哋整理好嘅2020大學生儲錢大法，或者睇吓以下呢啲文章：
網購搞到你衝動洗多咗？3個方法幫你慳到盡
【學生貸款】信貸評級對你嘅人生有幾重要？
【學生貸款】如何選擇最適合自己的學生貸款計劃？
- 滿足不同經濟需要：交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件（學生證+身份證），毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款，0手續費0罰息
大專生很多時候急需資金周轉交學費，但政府學資處的貸款計劃又未能及時批核。因此，uFinance 根據過往同學們的良好還款紀錄，不斷簡化申請程序，申請只需「學生證+身份證」，申請成功率高達95%，全程網上快捷辦妥，貼合同學需要。
