• 校園Guide

碌落去可以睇下一篇

想喺2020年有個全新開始，咁首先就要棄舊迎新一下。小編已經準備好大學生斷捨離清單，一齊大家整理好自己，重新出發。

1. 1. Instagram Following

人際關係都需要重新整理嘅～望翻你個following入面有冇啲連hi-bye都稱唔上嘅朋友，或者係已經冇興趣睇嘅page，清走一啲唔再需要嘅社交聯繫，你會發現世界簡單咗好多。

2. 信用卡

如果想改變消費習慣，可以重新審視吓自己持有嘅信用卡數量係咪多過實際所需，之後將唔常用嘅信用卡cut咗佢，選擇留低優惠較為啱用嘅信用卡就足夠喇。

3. 3. 不必要開支

除咗信用卡之外，其他額外開支可能係由生活習慣造成。你會唔會訂閱咗Netflix，但係唔係成日睇？或者買咗其他月費app，又唔係成日用？減少呢啲非必要嘅恆常開支可以幫你慳翻唔少錢㗎！
 
如果你有記帳嘅習慣，可以睇翻過去一年嘅消費紀錄，或者會發現自己喺某方面用多咗錢。例如小編發現自己某兩個月用喺搭Uber嘅錢有成$800咁多，就開始限制自己，如非必要都係坐翻公共交通工具，結果去到年尾一次都冇搭過Uber，慳翻嘅錢可以去一轉台灣。
如果想知道點樣可以儲多啲錢，可以睇埋以下呢啲文章：

【大學迷思】究竟大學生點樣先可以儲到錢？

網購搞到你衝動洗多咗？3個方法幫你慳到盡

 

4. 4. 頹T

大學生衣櫃入面總有幾件頹T壓吓倉底，而且每件都好似有啲紀念價值，唔捨得送去堆填區。今年建議大家下狠心，將平時唔會著到嘅騎呢顏色頹T捐出去，或者攞去做睡衣同抹地布都好。
 

5. 5. 書簿文具

你嘅書櫃入面仲有冇中學時期嘅Notes呢？或者有啲你根本唔會再用到嘅Readings？趁仲未開sem，不如一次過搬曬出嚟，當係回味吓過去之餘，篩走啲唔再需要嘅文件。