【了解自己多一點】從MBTI 了解自己性格 尋找合適職業(下)

Twing | 17/11/2020
【了解自己多一點】從MBTI 了解自己性格 尋找合適職業(下)

點解我同A君咁夾?想知點呢個同事相處?應該點樣分配工作比莊員?
可以透過MBTI搵出答案!!
MBTI係一個16型人格嘅test,可以得出強弱項等性格,以及人際關係上嘅特點,今日小編就想focus喺職業上,大家又想唔想了解自己適合返咩工呢?今次到I嘅8種人格。

 

》》》MBTI TEST 傳送門

 

MBTI嘅傾向展示咗四方面嘅差異:

動力來源:注意力集中喺邊,從邊到獲得精力【外向 E — 內向 I】

認識世界:點樣接收資訊【實感 S — 直覺 N】

判斷事物:點樣做決定【思考 T — 情感 F】

生活態度:做事方法【判斷 J — 知覺 P】

 

總共有16型人格類型:

1)  ESTJ 大男人型 Executive 2)  ESTP 挑戰型/企業家型 Entrepreneur

3)  ESFJ 主人型 Consul 4)  ESFP 表演型 Entertainer

5)  ENTJ 將軍型 Commander 6)  ENTP 發明家 Debater

7)  ENFJ 教育家 Protagonist 8)  ENFP 記者型 Campaigner

9)  ISTJ 公務型 Logistician 10)  ISTP 冒險家 Virtuoso

11)  ISFJ 照顧型 Defender 12)  ISFP 藝術家 Adventurer

13)  INTJ 專家型 Architect 14)  INTP 學者型 Logician

15)  INFJ 作家型 Advocate 16)  INFP 哲學家 Mediator

 

9)ISTJ 公務型 Logistician

性格強項:

– 誠實直接

– 意志堅強,盡職盡責,重視承諾

– 冷靜,務實,困難下都可以做出明確理性嘅決定

– 對細節也一絲不苟

性格弱點:

– 固執,難以接受自己喺某啲事情上出錯

– 太唔敏感,有時會傷害到sensitive嘅人

– 執著書本,唔願意改變固有規則或者嘗試新事物

– 經常怪責自己

 

職場表現:

ISTJ比較傾向一啲長期同穩定嘅職業,可以符合佢地嘅原則同保守主義。例如軍事人員,律師,法官,警官和偵探等職業都有好多ISTJ會選擇,呢啲工作往往係受人尊敬、有權威、安全、有既定制度。

ISTJ為人比較冷靜客觀,當事實同邏輯唔match嘅時候,佢地嘅個性就會出嚟。適合擔任會計師、審計師、數據分析師、財務經理、業務管理,甚至醫生,佢地可以辨識到同糾正當前問題。

ISTJ傾向獨自工作,當要team work時,佢地需要明確嘅崗位、職責。佢地對工作好有主見,對好多事都有獨特見解。

ISTJ喺感知其他人感受呢方面有啲嘛嘛,對住高度情緒敏感嘅人,佢地會有少少疏遠,所以可能未必適合做CS。

 

適合工作類型:軍事人員、法律界、警官、偵探、會計師、審計師、數據分析師、業務管理、公務員

代表人物:巴菲特、Morgan Freeman(美國演員)

 


Advertisements

 

10)  ISTP 冒險家 Virtuoso

性格強項:

– 樂觀而充滿活力,好少感到壓力

– 靈活思維,有白發性

– 面對危機都可以處理得好好,天生problem-solver

– 較放鬆,活在當下

性格弱點:

– 唔係好識得以同理心同敏感啲對待人

– 收埋自己,個性好難被認識

– 容易三分鐘熱度

– 為咗好玩會做出一啲危險行為

 

職場表現:

ISTP好適合於解決眼前實際問題,最唔鍾意抽象嘅理論加上好奇心旺盛下,會落手落腳做,尤其擅長一啲需要技巧性、用工具嘅工作,適合機械師、工程師、圖形設計師、法醫、整手工藝。

好有結構嘅工作環境令ISTP覺得無聊同攰,消防員、醫護人員、偵探、飛行員、警務人員等危機應對嘅工作適合佢地。

同時佢地都著重自由安排自己scheldule,避免有唔靈活、比人卡住咗嘅工作環境。

 

發揮到創意、建設性技能嘅工作如自由工作者、企業、blogger、系統分析員、運動員定司機都ok。

 

適合工作類型:藝術、商業、blogger、機械師、工程師、設計、法醫、消防員、醫護人員、偵探、飛行員、警務人員、運動

代表人物:李小龍、Michael Jordan

 

11)  ISFJ 照顧型 Defender

性格強項:

– 好supportive

– 可靠而且有耐性,做事細緻謹慎

– 富有想像力同觀察力,觀察到其他人嘅情緒狀態

– 熱心,忠誠

性格弱點:

– 輕視自己嘅成就

– 同其他人嘅衝突而帶來嘅負面情緒好易影響到自身生活

– 太壓抑自己嘅感受,過份考慮其他人感受

– 有時唔願意改變

 

職場表現:

ISFJ唔太可能會主動尋求management職位,更唔可能吹噓自己嘅成就。ISFJ個性更鍾意通過親眼目睹佢地嘅努力產生好嘅影響而獲得回報,工作表現得到讚賞就會保持熱情,令ISFJ可以成為顧問、技術支持、室內設計師、醫護等職位。

ISFJ希望從混亂中創造秩序,尊重傳統。

強大、發展良好嘅機構,如果仲有志趣相投嘅朋友,對於ISFJ嚟講好有吸引力,加上佢地充滿利他主義,從事醫護、小學老師、社會工作、宗教工作、幫助社區等,亦善於擔任人力資源同supportive position上為同事同客戶服務,可以幫助到他人達成願望係最重要,而且佢地真係會好享受。佢地特質比較nice,通常都係記得人生日、普通客户個名嗰一個。

 

適合工作類型:醫護、小學老師、社會工作、宗教工作、區議員、顧問、技術支持、室內設計師、人力資源、客户服務

代表人物:Mother Teresa、Kanye West

 

12)  ISFP 藝術家 Adventurer

性格強項:

– 和諧,避免同人有衝突

– 富有想像力,非常了解他人的情緒,亦有洞察力

– 好奇心,需要自己觀察同探索想法是否正確

– 有藝術性

性格弱點:

– 唔鍾意長期嘅承諾同計劃,有機會為生活造成財務困難

– 容易有壓力

– 太有勝負慾,可以將小事升級為激烈嘅比賽

– 自尊心起伏不定

 

職場表現:

ISFP渴望創作自由,渴望獲得切實嘅想像力,係表達自己藝術嘅機會,往往都係走藝術家、音樂家、攝影師、各個領域嘅設計師呢幾條路。佢地唔想做普通人,討厭喺不變嘅環境中無所事事。他們有自由嘅靈魂,需要靈活性、即興創作嘅機會,以及各種感官都參與到嘅工作,佢地寧願活在當下,相信呢一刻係最重要,無法預測未來,可見嘅係ISFP會有少少魯莽同短視。以上嘅mindset令佢地脫離好多理想職業,例如心理學、諮詢、教育呢啲需要花長時間讀書同需要考cert先做到。

佢地仲要花好長時間先能夠專注於一個目標。

ISFP似乎尋找緊令世界變得更加美好同令佢地興奮嘅謀生工作。

佢地好好相處,好少想支配或者控制人,而且好客觀。

 

適合工作類型:藝術領域、商業、服務業、音樂家、攝影師、設計師、作家

代表人物:Michael Jackson、張國榮

 

13)  INTJ 專家型 Architect

性格強項:

– 理性

– 會自我激勵,努力以自己嘅方式做事

– 只要下定決心,就會雄心勃勃面向目標

– 對好多事持懷疑態度,尤其受另類觀點所吸引

性格弱點:

– 傲慢自大

– 過於挑剔,無咁重視情感

– 好鍾意同人鬥,有時會忽略正事

 

職場表現:

INTJ唔鍾意好簡單、例行公事,因為佢地有創意,又會think out of the box。INTJ傾向於做獨行俠,通過單獨工作或者以小組形式工作,可以充分利用自己嘅創造力,而唔會不斷受到同事或主管干擾。INTJ確實相信如果想正確做某件事,最好自己親力親為。

INTJ要求進步,探索新嘅想法。隨職業發展,INTJ可能會被吸引到能夠影響公司或管理嘅職位。好多INTJ追求低調但有影響力嘅角色,例如項目經理、系統工程師、市場策略師、IT。

某啲需要強大社交能力嘅職業例如銷售或人力資源,就未必適合INTJ

 

適合工作類型:科研、科技應用、技術咨詢、管理咨詢、金融、投資領域、創造性行業

代表人物:Mark Zuckenberg、牛頓

 

14)  INTP 學者型 Logician

性格強項:

– 重邏輯分析

– 富有想像力

– Open-minded

– 客觀,會用理論調解人

– 誠實直率

性格弱點:

– 有好多私密,甚至孤僻

– 缺乏及時嘅同情心好容易得罪人

– 專注於興趣時,會忽視日常生活重要嘅部份,例如睡眠

 

職場表現:

INTP有興趣中探索原理、model、concept,可以成為數學家、系統分析師、職業科學家,尤其物理等領域。INTP非常self-driven,有很高個人標準。

佢地日常中經常思考,多過同人social,享受自己沉浸喺一個有趣嘅事上,而任何干擾、要管理他人、辦公室party、開會議都係負擔。INTP好難理解情感交流,serve人嘅職位會好困惑同攰。

技術性工作領域,例如法律、法醫學、實驗室研究,對於INTP而言非常理想。擔任業務分析師、marketing、IT、機械工作都非常適合,只要INTP有足夠興趣。

 

適合工作類型:學術領域、技術性工作領域、法律、法醫學、marketing、IT、機械、數學家

代表人物:林肯、Ellen Page

 


Advertisements

 

15)  INFJ 作家型 Advocate

性格強項:

– 有創意

– 有見識

– 有原則,有深厚嘅信念

– 一心一意追求自己理想

– 利他主義

性格弱點:

– 對批評敏感,有強烈反應

– 好收埋自己,不想比其他人負擔自己嘅問題,會出現人際問題

– 容易倦怠

– 過份完美主義

 

職場表現:

INFJ傾向尋求同佢價值觀相符嘅職業,而唔係睇地位同物質收益。無論咩工作,呢種性格嘅人都可以搵到幫助其他人嘅方法,發揮創造力。

INFJ希望喺工作尋找意義,並幫助人,同人建立聯繫,例如輔導員、心理學家、老師、社會工作,甚至精神領袖角色。

創作書籍、blog,寫劇本、音樂、攝影、設計、藝術都是可行的選擇,可以達到更深層次嘅意義。

INFJ可能會通過尋找領導職位而感到滿足,有更大自治權。

不過INFJ倡導者好少考慮個人需求,工作環境嘅殘酷激烈競爭,INFJ會好大壓力。

 

適合工作類型:寫作、音樂、攝影、設計、藝術、輔導員、心理學家、老師、社會工作

代表人物:甘地

 

16)  INFP 哲學家 Mediator

性格強項:

– 關心他人感受

– 重視平等,希望確保聽到每個聲音同觀點

– 有創造力,從非常規角度看待事物

– 忠於自己價值觀

性格弱點:

– 過於理想主義

– 自我批評,會削弱佢地完成工作嘅動力

– 好難真正了解佢地

– 不切實際,忽略實際問題

 

職場表現:

INFP看待工作為一份使命,希望感覺自己份工作可以幫人

由於佢地富有好奇心,好多INFP會夢想成為作家,可能會寫小說,或者尋找有趣嘅自由職業。

部份INFP發現同客戶面對面合作令人愉快,服務職業、身體康復、諮詢、社會工作、心理學,甚至是教學都適合。INFP傾向將人地利益放喺自己前面,但會使佢地好難建立健康工作同生活平衡。

INFP喺高壓力、官僚或好忙碌嘅環境下工作較不利,競爭激烈嘅工作場所可能令佢地沮喪。獎勵獨立性嘅工作場所通常適合INFP,雖然可能佢地會鍾意監督,以幫助佢地避免拖延同陷入沉思。

 

適合工作類型:寫作、音樂、社會工作、心理學、教育

代表人物:J.K. Rowling、William Shakespeare

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more