大專生日常理財習慣

其實貸款並唔係一件壞事,有陣時大專生難免需要啲資金周轉。可能依一刻你唔需要借貸,但到將來買車買樓結婚嘅時候,需要問銀行按揭或者貸款係在所難免。不過,無論係咩原因需要借貸,或者借嘅銀碼係幾多都好,記得要「有借有還」,要先考慮一下自己係唔係真係需要,同還得到先好借啊。 uFinance 除咗想幫助學生解決燃眉之急,仲希望大專生從未踏入社會前培養一個好嘅理財觀念,所以想比大家4個理財Tips,等大家可以有個良好嘅信貸評級之餘,仲可以隨時做好準備,喺有需要借貸時都唔需要「騰雞」。

1. 保存重要文件

依家科技發達,好多 information 都可以網上搵,包括戶口嘅 Transaction Record、付款記錄等,所以好多人都慣咗收到信睇完,就會隨手丟咗佢。不過,有時候呢啲文件都好重要,應該適當咁 keep 返啲「傍身」。以住址證明為例,大部分銀行及財務機構只接受最近三個月嘅住址證明,有啲公司只接受 Paper Form,即係唔接受你上網 Download 完 Print 出嚟個啲 E-version。因此,建議大家 Keep 返幾份住址證明,以備不時之需。最普遍嘅住址證明係水費單、電費單、電話費單,因為上邊會有名、地址、發信日期,而且有公認嘅公司發出,認受性都好高。當然啦,以上費用通常有屋企人交,咁無以上信件嘅話,都可以以銀行發出嘅信件作證明。不過,依家好多人都係用 Online Banking,未必有 Statement,所以如果收到啲推銷信件都記住唔好咁快丟,可能將來有用架。
(如果真係無住址證明嘅,可以同銀行申請返,不過需要收返手續費同一般需要等幾個工作天。)
另外想提返大家,信用咭月結單唔好睇完就丟咗佢,因為有唔少銀行嘅 Online Banking 唔會 Keep 到全部 Record,有時想睇返幾個月前嘅數都未必搵得返。為咗保障自己,大家記得 Keep 好佢,仲有記得對清楚每條數呀!

2. 清還所有卡數

唔少學生上咗大專之後就會申請學生信用咭,因為申請手續簡單、申請門欖較低,而且仲會免年費兼送好多迎新禮物。好多人都會覺得申請多幾張「傍身」,有優惠個陣先用咪得囉。不過記得要記得準時還清咭數,因為有拖欠記錄會影響自己嘅信貸記錄。另一方面,最好唔好淨係還 Min-Pay,因為信用咭嘅拖欠利率一般都比較高,卡數好容易越滾越大,所以記得「量入爲出」,「先洗未來錢」之餘都要衡量自己係唔係「還得起」。

3. 定期查閱信貸評級

對於好多學生嚟講,「信貸評級」或 TU Grade 係一個好陌生嘅字眼。雖然係依一刻有好嘅信貸評級未必對你有好大幫助,但將來當你需要置業,甚至有時候搵工都好,如果無一個好嘅信貸評級,都會對你有幾大嘅阻礙。
首先,講解一下咩係「信貸評級」。「信貸評級」係一個以「還款紀錄」、「總結餘」、「信貸紀錄長短」、「信貸帳戶種類」等資料計算嘅一個分數。(評級共分10級──A至J,當中以A為最高。)唔少銀行及財務公司都會係客人申請信用咭或其他貸款產品時,查閱返客人嘅信貸評分同信貸報告。如果信貸評分越高,客人成功獲批嘅機會就越高,而且利息、貸款金額等亦相對較好。另一方面,現時越來越多公司會係招聘時將申請人的信貸評級納入其中一個考慮因素,所以你話信貸評級有幾重要。因此,uFinance 建議同學仔都定期查閱信貸報告,了解自己嘅財務狀況。
另外,假如你打算申請貸款時,記得預早查閱信貸評級,咁就算信貸評級比較差,都仲有時間比你做好準備,例如準時還款、避免作出不必要嘅貸款申請(因為會增加查閱紀錄)、同埋盡量減低負債等。市面上,都會有唔少財務機構貸款免費查閱信貸評級嘅服務,不過如果想睇返一份詳細嘅信貸記錄嘅話,可以向環聯信貸申請返,而月費為 $288。

4. 慎選出糧方式

大專生好多時返 Part-Time,都會以現金或支票出糧。不過係貸款嘅角度嚟講,其實如果無出糧證明嘅話,會相對少啲保障,同埋會影響批核率。因為銀行或者財務機構都需要實際證明去確認你所交嘅資料嘅真確性。如果用現金或支票出糧,銀行月結單就唔會顯示到出糧記錄,或者 Show 唔返公司名。因此,如果可以選擇的話,盡可能以自動轉賬方式出糧。真係無得揀的話,就記得 Keep 返糧單或 MPF 供款紀錄作出糧記錄。保障啲嘅,就每次都影印返張 Cheque,或者 Keep 住有 Cheque Image 嘅入數紙作記錄啦。
相信同學們看完以上資料後,都了解申請貸款或將來想上車做按揭都需要好多文件證明先可以做到低利息同批核到,因此同學記緊今日開始養成良好嘅理財習慣,不要到需要申請時才後悔。
uFinance 利用大數據分析代替傳統審批之文件,毋須收入或住址證明。
不過,若大家在申請銀行貸款時遇到任何困難,亦可以考慮申請 uFinance 學生貸款。
有關詳情可以 WhatsApp 我們客戶服務專線 (+852 66339446) 或網上了解更多。